الساعة الأخيرة قبل إصابة الطلباني بالجلطة الدماغية .. معلومات مسربة من المنطقة الخضراء

التفاصيل

تم إنشاءه بتاريخ الأربعاء, 09 كانون2/يناير 2013 11:49

عراق الغد / خاص:معلومات موثوقة ومسربة من القصر الرئاسي للمنطقة الغبراء تتعلق بمسبب الأزمة الصحية لرئيس الجمهورية جلال الطلباني وفي نفس الساعة التي تم نقله إلى مستشفى مدينة الطب وهي كالأتي :

يرن الهاتف في مكتب رئيس الجمهورية
مدير المكتب : نعم تفضل استاذ ابو اسراء
نوري المالكي : السلام عليكم
مدير المكتب : وعليكم السلام ورحمة الله نوري المالكي : السيد الرئيس حولني عليه أريد أكلمه مدير المكتب : لحظات رجاءً.....
يدخل مدير المكتب على جلال الطالباني
مدير المكتب : ( بالكردي ) سيدي .. الأستاذ أبو إسراء يريد يكلمك
الطالباني ( ممتعض ) ( بالكردي ) : أعرف شيريد .. هذا زعلان على المقال اللي نشره فخري كريم .. حوّل المكالمة .
المالكي : السلام عليكم سيادة الرئيس الطالباني :
وعليكم السلام ورحمة الله .. كيفكم أبو إسراء ؟
المالكي : نحمد الله .. ( بعصبية ) والله أني كلش زعلان
الطالباني : خير إن شاء الله
المالكي : أي خير ؟ قريت جنابكم المقال بجريدة المدى اللي كتبه هذا اللي إسمه فخري كريم ؟ شنو هذا ميستحي؟
الطالباني : أبو إسراء هذا العتاب مو بالتلفون .. تعال عندي نتفاهم
المالكي : طيب نص ساعة وأكون يمك ..السلام عليكم
الطالباني محدثاً مدير مكتبه ( بالكردي ) : هذا المالكي صعب نتفاهم وياه .. يريد يبلعنه كلنا...
بعد مرور 25 دقيقة يدخل المالكي على الطالباني .. يسلم عليه ويقبله .. يطلب من الطالباني ان يفرغ المكان لهما فقط ..
الطالباني يعترض ويقول :
الطالباني : مدير مكتبي يبقى ويانه .
المالكي : يجلس بالقرب من الطالباني
الطالباني : الله بالخير
المالكي :الله بالخير
الطالباني : شتحب نضيفك
المالكي : شكراً ما أشتهي أي شي الطالباني ( يحاول تلطيف الأجواء ) أخي العصبية مو زينة عليك ( ضاحكاً )
المالكي : سيادة الرئيس .. أني بوضع محرج جداً بسبب هذا المقال اللي كتبه فخري.. هذا إنسان حقير وميستحي
الطالباني ( بعصبية ) : أبو إسراء خلي كلامك متوازن .. اللي أمامك الطالباني رئيس الجمهورية
المالكي ( بإنفعال وصوت عال ) : أي توازن ؟ إنتم خليتو عدنه توازن .. موضوع كنا تناقشنا بيه بخصوص الموصل .. شلون تسجلوه وتنشرو على الصحف و وسائل الإعلام؟ هذي خيانة
الطالباني : أبو إسراء لا تعلي صوتك إفتهمت .. للمرة الثانية أطلب منك تكون متوازن
المالكي : للأسف كنت أظنكم ثقة انتو الأكراد بس طلعتوه ما يؤتمن إلكم
الطالباني ( بعصبية ) : شنو هالخربطة .. إنت شتريد .. تره إنت كلش جاي تروح زايد .. كافي .. عيب هذا الكلام
المالكي ( بعصبية ) : العيب عليكم انتو .. والله ثبت لي أنتم الأكراد مثل اليهود لا عندكم عهد ولا ميثاق .. بس أني أعرف شراح أسوي .. إنتم حرام أخليلكم موطىء قدم في بغداد
الطالباني : يعني شتريد تسوي .. تنفذ علينا المادة ( 4 إرهاب ) عيب هذا الكلام وراح تضطرني أنهي المقابلة
المالكي : إلى سقر .........
يخرج المالكي ... دون توديع
ينهار الطالباني بعد أقل من 5 دقائق على هذه المقابلة ..