أصبرونه خلي نرجع البغداد ونُسقط النظام لأنصير نموذج للثوار الحقيقيين!

            

أصبرونه خلي نرجع البغداد ونُسقط النظام لأنصير نموذج للثوار الحقيقيين!

عندي فلسفة بالحياة وأكررها في مجالسي وحتى مع أسرتي وأهلي:القول شىء والفعل على أرض الواقع شىء أخر!!.

مثلا يلاگيك احدهم وكلامه مثل العسل ويعرض خدماته الأخوية(أمر خدمة ترة اني اخوك والله عليك شتريد گولي تره ازعل اذا تطلب من غيري)!!.
وانت على نياتك و فد يوم تجربه بمسألة بسيطة وهناك الجواب جاهز: استغفر الله ، يامعود ليش ما حچيت البارحة!!؟ تعذرني جدا و بعد اخاف رايد شىء أخر تره اني بالخدمة واخوك الصغير!.
نعني بالعربي الفصيح مجرد كلام وهواء في الشبك والا كفيكم ابو جوادين هابياض و بس!.
مربط الفرس:
الأخوة النشامى اللي جابهم الشيطان الأكبر واللي كانوا يتسكعون في شوارع طهران والشام ولندن ، واحدهم كان وطني غيور لأبو موزة.. بيك خير واخذ تصريحات ووعود:
-راح انخلي المواطن العراقي له هيبته بين دول العالم و حتى شعوب بلدان اوربية تطلب اللجوء في العراق.
- الدينار العراقي راح يصير بالقمة بحيث الدينار يساوي خمصطعش استرليني أما مقابل الدولار ..لاء غير حساب.
- الجواز العراقي تسافر للقمر بلا فيزا ..
- راح انصير خدام لأبناء شعبنا (لازم نثبت للعالم أن الثوار ضد الظلم والطغيان يعيشون أبسط عيشة) نرضى بالخبز والبصل والعيش داخل كوخ و تحرم علينا كل الأمتيازات!! عمي يا أمتيازات راح انعيش عيشة أصغر موظف بالبلد رايحين جاين بباص المصلحة و خلي ابناء شعبنا يتنعمون باللي حرمها منهم صدام وجماعته!! راح نلغي البطاقة التموينية و نوكل ابناء شعبنا مواد درجة اولى خمس نجوم!!. .

------------------
رسالة من الأخت ( أم مريم) من بغداد الحبيبة ، أنقلها بالنص:

من يبيع ضميره باع وطنه..

وفي يوم ما زار الجنرال جياب احد قادة الثوار الفيتناميبن عاصمة عربية توجد فيها فصائل فلسطينية (ثورية) في السبعينات من القرن الماضي، فلما شاهد حياة البذخ والرفاهية التي يعيشها قادة تلك الفصائل والسيارات الألمانية الفارهة والسيجار الكوبي و البدل الايطالية الفاخرة والعطور الفرنسية باهظة الثمن وقارنها بحياته مع ثوار الفييت كونج في الغابات الفيتنامية. قال لتلك القيادات مباشرة بدون مواربة :

لن تنتصر ثورتكم..!!

فسألوه لماذا ؟
فأجابهم : لأن الثورة والثروة لا يلتقيان!!
الثورة التي لا يقودها الوعي تتحول إلى إرهاب والثورة التي يغدق عليها المال يتحول قادتها إلى لصوص.
وإذا رأيت أحد يدعي الثورة ويسكن بقصر أو فيلا ويأكل أشهى الأطباق ويعيش في رفاهية وترف وبقية الشعب يسكن في مخيمات ويتلقى المساعدات الدولية للبقاء على قيد الحياة .. فأعلم أن القيادة لا ترغب في تغيير الواقع فكيف تنتصر ثورة قيادتها لا تريدها أن تنتصر؟؟؟.

----------------------------
وأني هم عندي كلام موجه للعم العزيز و مهجة القلب الرفيق الجنرال جياب:
تعال و شوف الأخوة النشامي بالعراق اللي واحدهم يدعي من سلالة الرسول (ص) وشلون عيشة عايشين؟؟ ، الله وكيلك واحدهم كأنه أمير لاوالله امبراطور زمانه و عايشين بأفخم القصور و موكب سيارات وأملاك و أرصدة بالخارج ووظائف خمس نجوم ومئات من افراد الحماية والبذخ و لا يفكرون لا بالموت ولا اللي راح يصير بالمستقبل ،المهم زيادة الرصيد و الأملاك وأكثر من زوجة والسكن في فلل في بيروت وعمان ولندن و طهران و طزززززز با اللي يصير والشعب ساكت وتقريبا راضي!!...
هذولة شجابهم عالثوار، حرام اية مقارنة بينكم وبين ( جماعة المنطقة الخضراء) عملاء و جواسيس طهران وواشنطن وجزيرة واق واق !! وأبشرك صدگني نهايتهم قريبة و أزيدكم من الشعر بيت: ترة ماكو أعنف من الشعب العراقي ( أقرأ تأريخ العراق وشراسة الثوار في وقتها) والله لايخلون طشارهم ماله والي ، سعيد الحظ اللي يبقى على قيد الحياة وينحال لمحكمة الشعب بساحة التحرير!.
كلامكم عالراس يا رفيق، فعلا الأخوة النشامى ( جماعة المنطقة الخضراء) تحولوا الى حرامية بأمتياز و مثل ما أنشوف اليوم أحسن من باچر و النه الله يا خلق الله!!.
ياريت لو نفذوا خمسة بالمية من وعودهم وامخلين البطاقة التموينية على حالها!!.
وأخيرا تره هم سنوات ماكدروا يحركون ساكن وكانوا ( گاعدين بالمقاهي و چاي وچذب و اخذ وعود) من خوفهم بدلوا حتى أسمائهم بأسماء وهمية و هم بالخارج واللي اسقط النظام الشيطان الأكبر أما أنتم مرغتم انوف الأمريكان بالتراب وراويتوا جنودهم الويل أما ألأخوة النشامى اللي يحكمون العراق جوي على ظهور دبابات خوالهم الأمريكان مو بسواعدهم!.
عمي جياب: هناك فرق شاسع بين الثوار و العملاء والجواسيس..عمر هذولة (أقصد اللي نصبهم الشيطان الأكبر حكام على العراق) وعلى مر التأريخ ماقدموا شىء لوطنهم وشعبهم كودن الجاسوس يبقى جاسوس !!.
الى اللقاء في سالفة اخرى من سوالف زمن العجايب إذا الباري خلنا طيبين راح انشوف عجب العجاب..
اودعناكم بأمانة الله..
أخوكم
رئيس التحرير

            

    

  

إذاعة وتلفزيون‏



الأبراج وتفسير الأحلام

المتواجدون حاليا

554 زائر، ولايوجد أعضاء داخل الموقع