مِـيَّـــة صَـنـَــمْ

التفاصيل

تم إنشاءه بتاريخ الثلاثاء, 09 أيلول/سبتمبر 2014 08:48

كتب بواسطة: ميسون نعيم الرّومي

ميسون نعيم الرّومي

يا عـراقْ الخـيـَـرْ چَـمْ دوبْ الظـلـمْ
وانتَ رايَه اوسنبله اوهوسَة سلمْ
 
يا حَمامَه اونادَت ابصوتْ الشعوبْ
يا غـِصنْ زيـتـونْ يا عِـلـمْ العِـلـمْ
 
حَـمرابـي الإسمَه إبنْ الرافدينْ
يا ابـو القانـونْ تـشهَـدْلـَـكْ زلمْ
 
رادوْ ايـكـتـلوكْ ما گـدْرِوْ أبَـدْ
يا مَسَلـَّـه انحفظت ابكلْ طلسمْ
 
امن الرعاعْ اومجرمْ او أرعَنْ خَسيسْ
نـهـبـَـوْ الآثـارْ ما ضلْ بـَـس إســمْ
 
هجمَوْ السراقْ كل صوب اوكـتـرْ
امفـَــسّر اومَعروفْ كل هذا الفلمْ
 
يا عـراق الخـيـَـرْ يا أكـرَمْ وَطنْ
چم عليم الطلع من هذا الرحم
 
هـذا ابـنْ حَـيان وابجبرَه الرقـمْ
يـا إبـنْ جَـبـّـارْ عـبـدالله العـَـلـَـمْ
 
نـذكـرْ الفـَـنْ وابـن زريابْ الرقيقْ
لو عِـزفْ عَ العـودْ أنـواعْ الـنـَـغـَـمْ
 
مـحـمـد المهـدي .. لمـيـعَـه اودجلتـَـه
دجـلـَـة الخـيـرْ الـنـِـطـَـه هـذي النِـعـَـمْ
 
عـاتِـكـَـه الـسَـيـّابْ والشـعـرْ العَـظيـمْ
بالسـِـمَـه اوضوَّتهـَـه اسـماء واســــمْ
 
يا علي الوردي الحجَّه ابْـعِـلمْ إجـتماعْ
بـَـيـَّـــنْ الأطـْـبـاعْ وانـْـواعْ الـقـيـَـمْ
 
مصطفى ابن جواد ( قلُّ ولا تقل )
حجـَّـه بالتاريخْ وانـواعْ الكـَـلـَمْ
 
لو حـسَـبْـنـَـه انـتـيه وابْـكـلْ الحسابْ
انـجـومْ كـلهَـه نـَـجْـمَه وابْـصَفـْهَـه نَجمْ
 
بَـحَـرْ نـَـفـطـَـكْ صارْ نقمه اعْـله الشعبْ
حِـصتـَـكْ لوعـاتْ حَـسْـراتْ اوألـَـمْ
 
عـَـلـمونـَـه انـوحْ نـبـچي ابـكل وَكتْ
دَرسـونـَـه انـگـولْ حاضرْ يا نـَـعَـمْ
 
(حايـط انـصَيـصْ ) يـَـويـلي الـْـيا متى
بالـطـَـبـرْ دكـتـورْ وابـْـفـَـنْ الـلـَـطـمْ
 
نـرضَه لـيـَـشْ اشلون نرضه اوبالفگـرْ
بالبـَـلـَـدْ حاكـم نـهَـبْ كـرسي الحـكـمْ
 
وَطـَـنْ عـدْنـَـه انعيش ! وابلايَـه وَطن
صَـنـَـمْ راحْ اوهالأجـه مـيَّـة صَنـَـمْ
 
يا عـراقْ الخـيـَـرْ چَـمْ دوبْ الظـلـمْ
وانتَ رايَه اوسنبله اوهوسَة سلمْ

سبتمبر / 2014
ســــــــتوكهولم

الگاردينيا:الشاعرة المتألقة دوما/ ميسون....