اليـومْ أتـْـعَـسْ مـن أمِـسْ

التفاصيل

تم إنشاءه بتاريخ الثلاثاء, 03 آذار/مارس 2015 09:18

كتب بواسطة: ميسون نعيم الرّومي

ميسون نعيم الرّومي

ظـَـلـْـمَة صفـَـتْ ماكـو شـَـمِـسْ – واليـومْ أتـْـعـَـسْ مـنْ أمِـسْ
ابـكـلْ شـارعْ گـالـَـو تـَـفـجـيـرْ
چـا حـيـَـلْ اويـانـَـه اوبالجـيـرْ
كـَـهـفْ اونِـمـْـنـَـه..بَـسْ اشـخـيـرْ
والمـوتْ حامسْـنـَـه حَمِـسْ - ظـَـلـْـمَة صفـَـتْ ماكـو شـَـمِـسْ
****
اليـَـمـْـتـَـه اونسْـكـتْ بَـس اسْـكـوتْ
خـرْسـانْ اومـَـبـلـوعْ الـصـوتْ
مَـزروعْ ابـكـلْ بـيـَـتْ المـوتْ
لـشـْـوَكـتْ نحْـفـظ هالـدَرِسْ – واليـومْ أتـْـعـَـسْ مـنْ أمِـسْ
****
صار الـبـَـلـَـدْ خانْ اجْـغـانْ
صرنـَـه نِـجـَـدّي الرغـفـانْ
دار الشـَـعـَـبْ عَ البـيـبـانْ
يـرْكـضْ اوماكـو كـلْ فـلـسْ - ظـَـلـْـمَة صفـَـتْ ماكـو شـَـمِـسْ
****
نـَـفـسْ النـَـغـمَه اوهالمَوّالْ
الحالْ يـبـْچي اعـْلـَه الحالْ
واجـلالْ اتـبـدَّلْ باجــْـلالْ
صَفـْگـَـه اوهـَـلاهـلْ بالعـرسْ – واليـومْ أتـْـعـَـسْ مـنْ أمِـسْ
****
حـكـّامْ اتـْحـَـنـَّـتْ بالـدَمْ
جـَـرحْ اچـبـيـرْ اوما يـلتـَمْ
لاضَلْ خالْ اولاضَـلْ عـَـمْ
نـصْ البـَـلـَـدْ صارَتْ رمسْ - ظـَـلـْـمَة صفـَـتْ ماكـو شـَـمِـسْ
****
عِـمـَّـه اوحَطوهَه اعـْلـَه الراسْ
دَجالْ اوسـارقْ دَسـّـاسْ
ماضَلْ وَرقـَـه اولا كـراسْ
والبـَـلدَه كـنـسـوهـَـه كـَـنسْ – واليـومْ أتـْـعـَـسْ مـنْ أمِـسْ
****
هـَـمْ ايـضَـحـكْ .. هـَـمْ ايـبَچّي
داعـرْ لـلعاهـرْ وايـتـَـچـي
يا شـَـعـبْ الساكـتْ ماتحچي
مَخـلوسْ يـهـْـمسْ مخـْـتـلسْ - ظـَـلـْـمَة صفـَـتْ ماكـو شـَـمِـسْ
****
دَمـنـَـه جـرَه اوصارْ انهارْ
ذبـْحـَـوْ ولـدْنـَـه .. لشـرارْ
حـكــّامْ تـعـــزفْ گـيـتـارْ
إلـنـَـه قـَـهـَـرْ الهـمْ ونـسْ – واليـومْ أتـْـعـَـسْ مـنْ أمِـسْ
****
نـَـفـسْ المَرْگـَـه او نـَـفـسْ الديـچْ
هـوسـَـه اوخـَبـْصَه حسْ اصريچْ
خـَـرْبـوهـَـه اوماضَـلْ اسـويـچْ
والخـَـزنـَـه مَهـْـلوسَـه هـَـلسْ - ظـَـلـْـمَة صفـَـتْ ماكـو شـَـمِـسْ
****
خـتموهه ابداعش ياويـل
يـومـيـّه اويـطـلع مـوديـل
وابـلادي جارفـهه الـسيـل
ظـَـلـْـمَة صفـَـتْ ماكـو شـَـمِـسْ
واشـوكت تـطـلع هالشـَـمـس – واليـومْ أتـْـعـَـسْ مـنْ أمِـسْ

شباط / 2015
ســـــتوكهولم

الگاردينيا: الشاعرة المبدعة / ميسون..