فنون نَق النساء.. من الألف الى الياء

التفاصيل

تم إنشاءه بتاريخ الأحد, 18 تشرين2/نوفمبر 2012 09:07

فنون نَق النساء.. من الألف الى الياء

ألالف: أريد فلوس دأشتري هدوم
الباء: باجر لازم توصلني لبيت أهلي جيرانهم عندهم حفلة
التاء: ترى اليوم آني ممسوية عشة جيب وياك سفري.. لو تريد نطلع بره نتعشه؟

الثاء: صار النا ثلاث أسابيع ما طلعنا من البيت يالله اليوم حظر نفسك تطلعنا  
الجيم :جيرانا أشترو نيسان جديدة.. أحم أحم.. وأحنا؟
الحاء: حبيبي.. أريد أشتري ساعة جديدة مليت من ساعتي الرولكس؟  
الخاء: خابر أهلك أنت ماتروح يمهم اليوم، آني عازمتك نتعشى بره بس على حسابك
الدال: دور لنا على بيت على 3 شوارع شنو يعني بيت أخوك أحسن منا؟
الذال: ذيج السنة (قبل 10 سنوات) كَلت لك أشتريلي محبس أللماز وانت غلست
الراء: روح قدم على أجازة و خلينة نسافر لتركيا.. غيرنا مو أحسن من عدنا.. بيت أخته
الزاء: زيد مصروف البيت يعني يادوب يكفينا
السين: سنتين حابسني بالبيت .. راح أطك.. قبل شهر كانوا بسفرة بالشمال
الشين: شيل الولد شنو متشوفة كاعد يبجي؟ مو زين خلّفته وأبتليت بيك أنت وجهالك؟
الصاد: صفط هدومك بمكانهم، مليت وآني أرتب وراك  
الضاد: ضاع عمري وياك.. ليش شفت شي من حياتي؟
الطاء: طلع الملابس و شرهن علحبل حتى ميروح عليّ المسلسل
الظاء: ظليت تسمع حجي أهلك.. شوف شصار بينا ومن نقهم
العين: عيوني..اليوم حجت أختك وياية على التلفون ياربي على هاالنفسية التعبانة والحسد
الغين:غير يا رجال هاي المواضيع.. أنت ليش ما تكَللي أحبج عندك الصمت البيتي؟
الفاء: فهمت عليك لا تكمّل ..تقطعله كلامه حتى تحجي شغلة براسها  
القاف: قدّر يا أخي شوية.. كل شغل البيت على راسي وأنت شكو عليك يومية طالع تفرفر
الكاف : كم مرة قلت لك أمك ماتحبني؟
اللام: ليش أهلك عزموا بيت أخوك و ما عزمونا؟
الميم: ما أجي وياك لبيت أختك.. ما عزموني رسمي.. أفتهمت؟
النون: نسيت أنو باجر عيد ميلاد بنت أخويه؟
الهاء : ها ..أشو هم تأخرت ببيت أهلك وخليتنا بوحدنا؟
الواو: ولدت أخت بت خالة صديقتي.. شنوديلهم هدية؟
الياء: يالله إيدك على 25000 دينار حلاوة المصالحة.. لانك زعلتني كسرت خاطري
من الله لا ينطيهم اللي أبالي

إعـــداد ... إبراهيـــم الأعظمـــي