الى ذكرى أمي اهديها

التفاصيل

تم إنشاءه بتاريخ الجمعة, 07 آب/أغسطس 2015 08:33

كتب بواسطة: ميسون نعيم الرومي

ميسون نعيم الرومي

الى ذكرى أمي اهديها

 
أمـْـي

من ألف رحمه اونور لـُـمـّي اوذكرهه – هيل اومسچ قداح فايح عطرهه
***
ألـف رَحــْمـَـه عـَـلـيـچ اورَحـْـمـَـه لـلـرَبـّـاچ
يـاأم الـوِفـَـه كِـل طـيـب يـذكـرْهـَـه
 
أمـْـي إمـْـعـَـزبـَـة الأحـبـاب والـخـطـّـار
يـاأم الـوِفـَـه ... والـكـَـرَم سـاس الـهـَـه
 
أمـْـي لـلـفـنـون او لـلـرَسـم عـنـوان
اقـرنـفـل اوجـوري أمـْـي ريـحـَـتـهـَـه
 
خـيـط امـن الـشـَـمـس يـامـَـحـْـلـَـه نـور الـعـيـن
حـرت شنهي شگـول اشـلـون اوصّـفـهـَـه
 
دلـلـول اوتـگـول اواسـمـع آنه الصّــوت
مِـثـِـل نـاي اوربـابـَـه اوعـود يـسـألـهـَـه
 
أمـْـي لـلـوَرِد ! والـيـاس عِـــشـگـت بـيـهْ
مـاتـَـت ! والـْـورد مات ابحـَـديـقـَـتـهـَـه
 
تـَـرافـَـه اولـلـبـريـسـَـم خـيـط تـلـظـم بـيـه
مــــــارَدَّت أبـَــد إيـد الـتـِـــسـايـْـــلـهـَـه
 
رحـْـتـي اوبـالـعـَـجـَـل هذا الـوَعـَـد مـَـكـتـوب
جـَـمـْـرَه اوبـالگـَـلـب ... بالـروح خـَـلـَّـتـهـَـه
 
رحتـي اوللأسـَـف ماشفتهي شنهي الصار
أحـلامـِچ يـيـُمـّـه ! اشـرار ذبـحـَـتـهـه
 
أفـكار الـگـــبـل اتغيـرت اوياحـــيــف
عـاشت هالمـبادئ ! مـحـلـَـه هـيبـَتـهـَـه
 
راحـَـت وانـْــگـضـَـت أيـام فـــوگ ايـام
مـوتـِــچ هـالجـرح كـل يـوم يـلـچـمـهـَـه
 
غـرّبـنــَـه الزمن يايـُـــمّه رحنـَـه ابعـيـــد
اسـنـين اوبالگــلـــب يايمـّــه حـَـسرتهـَـه
 
گضينه هـالعـُـمُــر بالحـَـسْـره والآهــات
نبـچـي عَ الـعـراق اومـوت دجـْـلـَـتـهـَـه
 
عراقيـّـة النـفس ! يابـيـرغ الـمـرفـوع
يانـخـلـة الـبرحي ! اوشـمس طـلعـتـهـه
 
ألِـف رحمه إلـِـچ يايـُـمـّـه رحـْمـَـه اونــُـور
كِــل صبـْـح اومِـسَـه ! اوكل عيد أذكرهَـه
 
من ألف رحمه اونور لـُـمـّي اوذكرهه – هيل اومسچ قداح فايح عطرهه
يـايـمـّـه : أم عـدنـان ! فـاضِـل إبـنـهـَـه ـ تـفـخـَـر تـراهـَـه النـّاس يـُمـّـه ابـولِـدهـَـه

آب / 2015
ســـــــــــتوكهولم