امـحـَـصـَّـن بـالله

ميسون نعيم الرومي



امـحـَـصـَّـن بـالله



 اسـم الله اسـم الله امـحـَـصـَّـن بـالله – يـخـطـب يـوعـد يـا مـاشـالله
حـزبـَـه اورَبـْـعـَـه اتـحـَـرضَه اتـدفـعـَـه – نـَـفـس الـجـوگـَـه اونـَـفـس الـشـلـَّـه
بـالـَـك عـَـنـَّـه
مـا يـتـهـَـنـَّـه
افـرَحـنـَـه اوگـلـنـَـه مـنـَـه اوبـيـنـَـه
نـَـفـس الـكـَـعـكـَـه اونـَـفـس الـطـيـنـَـه
افـلوس الـخـَـزنـَـه عـَـرَگ اجـبـيـنـَـه
بـيـهـَـه اويـنـهـَـب
تـحـسـب تـتـعـَـب
عـَـشـر اسـنـيـن اويـاهـَـه اتـلاثـَـه – عـِـلـَـل اهـوايـَـه مـو بـَـس عـلـَّـه
ايـبـوگ اويـسـرق ! صام اوصَلـَّـه
اسـم الله اسـم الله امـحـَـصـَّـن بـالله
***
امـدَلـَّـل نـايـم خـَـل انـلـولـي – شـَـعـب ايـزعـْـجـَـه يـقـلـق نـومـَـه
شـَـعـب امـعـَـلـَّـم بـَـس يـتـألـَّـم – سـارق واحـد صارَوْ كـومـَـه
جـعـْـنـَـه اوضعـنـَـه
احـكـومـَـه امـصَخـنـَـه
ثـرْنـَـه اولازم نـاخـذ حـَـقـنـَـه
اخـوان اوكـلـْـنـَـه شـيـعـَـه اوسـنـَّـه
احـكـومـَـه انـعـَـيـن مـنـَّـه اوإلـنـَـه
اعـراق الـثـائـر
يـحـبـس جـائـر
نـايـب سـارق بـاع ابـلادي – بـاگ آثـارَه طـار اوعـَـلـَّـه
بـاگ اعـنـَـبـنـَـه اوبـاع الـسـَـلـَّـه
اسـم الله اسـم الله امـحـَـصـَّـن بـالله
***
هـاي اوهـَـي او هـاي اوهـَـيـَّـه – خـَـل انـعـَـدد خـالـَـه اوخـَـيـَّـه
سـايـل دَمـْـنـَـه بـيـد الـسـاسـَـه – اعـْـگـارب كـلـهـم بـيـهـم حـَـيـَّـه
*نـوري الـسـارق خـان اوسـَـلـّـم
*مـَـدْحـَـت قـاضي اويـحمـي الـمـجـرم
حـاكـم نـايـب فـعـْـلـَـه امـصَخـّـم
فـاشـل أمـّـي ! سـارق خـايـب – *مـَـجـلـس فـاسـد كـلـَّـه انـحِـلـَّـه
شـعـبـي الـثـائـر مـَـحـَّـد ذَلـَّـه
اسـم الله اسـم الله امـحـَـصـَّـن بـالله


*نـوري:- نوري المالكي رئيس الوزراء السابق
*مـَـدْحـَـت:- مدحت المحمود رئيس مجلس القضاء (اللازگ)
*مـَـجـلـس:- مجلس النواب
------------------------
8 / ايلول / 2015
ســـــــــــــتوكهولم


  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

735 زائر، ولايوجد أعضاء داخل الموقع