مامات الحسَـيـن

التفاصيل

تم إنشاءه بتاريخ الإثنين, 19 تشرين1/أكتوير 2015 06:30

كتب بواسطة: ميسون نعيم الرومي

ميسون نعيم الرومي

مامات الحسَـيـن

مامات الحـُـسـَـيـن اوعـاش تـاريـخـَــه
ثـار اعـْـلـَـه الـظـلم ! والـثـورَه عَ الطغيان
 
مـَـيـريـد الـبـَچي لا نـوح لا شـَـگ زيـجْ
رافـض لـلـَـطـم ! تـَـطـْـبـيـر والأحـزان
 
ماهـادَن قـَـوي ! لا هـادَن الـحـكام
حـَـق احـْـسـيـن  كـلـَّه لـلعـَـدل عـنـوان
 
يـاثـَـوْرَة حـُـسـَـيـن الـرادَت الإصلاح
تـاريـخ الـحـِـچـَه والـشـهـدَت الأزمان
 
ثـار اعـْـلـَـه الـفـَـساد الصار بـسم الـديـن
وابـْـدَمـَّـه الـشـَـريـف اوعـَـدّل الـمـيـزان
 
يـحـْـسـيـن الـثـرت ! وابـروحـَـك اوأهـلـَـك
أحـفـادَك هـذول الـثـارَوْ الـشـجـْـعـان
 
عـاشـور الـسـَـنـَـه تـَـنـْـظـيـف لـلخـَـضراء
وَيـّـانـَـه الحـسـَـيـن اوجـَـدَّه والـشـبـان
 
بـاگـوه الـنـَـفـط والـثــَـروَه والآثـار
صرْنـَـه عَ الحـَـديـد انـجـَـدّي عَ الـبـيـبـان
 
ثـَـوْرَتـنـَـه الـشـَـمـس واتـضوّي عَ الأكـوان
ثـَـوْرَة كـل فـَـقـيـر اوثـَـوْرَة الجـوعـان
 
ذولـَه احـْـنـَـه العـراق العـالي وَيَّـه الغـيـم
نـطـْرد كـل دَخـيـل انـحاكـم الـلي خـان
 
نـمـشـي لـلأمـام او أبـد عـيـب انـحـيـد
تـَـغـيـيـر اونـريـدَه امـن الجـَـذر يـفـلان
 
الـرايـد يـنـعـدل !! انـحـطـَّه فـوگ الـراس
حـَـق احـْـنـَه اوالـعـَـدل مايـرْضَه بـالـبـهـتـان
 
مامات الحـُـسـَـيـن اوعـاش تـاريـخـَــه
ثـار اعـْـلـَـه الـظـلم ! والـثـورَه عَ الطغيان

نظمت هذه الأبيات بمناسبة  1 / محرم / 1437
ســـــــــــتوكهولم
14 / اكتوبر / 2015