قصة أغنية المجرشة
- التفاصيل
- تم إنشاءه بتاريخ الإثنين, 29 شباط/فبراير 2016 23:28
- كتب بواسطة: د.رعد العنبكي
د.رعد العنبكي
المجرشه
الشاعر الشعبي ملا عبود الكرخي (1861-1946) من عشيرة البو سلطان الزبيدية تنتشر مساكنهم
في بابل والقادسية وواسط ومناطق اخرى
الكرخي كان ذاهبا الى اقربائه هناك وفي القرية سمع فتاة تغني وهي تدير المجرشة :
ذبيت روحي على الجرش وادري الجرش ياذيها
ساعة واكسر المجرشه وانعل ابو راعيها
سمع الكلمات فوجدها موزونه على نحو التفاعيل
( مستفعلٌ مستفعلٌ مستفعلٌ مستفعلٌ )
فاخذ يكمل بها حتى صارت ملحمة رائعة وقد غناها مطرب المقام الاول الاستاذ المرحوم محمد القبنجي واعجب بها الشاعر العربي الكبير احمد شوقي:
ذَبيت رُوحي اعلى الجَرش وادري الجرش ياذيها
ساعة وكَسر المَجرشه والعَّن ابو راعيها
ساعة وكسر المجرشه والعن ابو راعي الجَّرش
كَعّدت داده اُم البَخت وَخلخالها يَدوي ويدش
واني استادي لو زعل يَمعَش شَعر راسي مَعش
هم هاي دنيه وتنقضي واحساب اكو تاليها
ذبيت روحي اعلى الجرش وادري الجرش ياذيها
ساعة وكسر المجرشه والعن ابو راعيها
ساعة وكسر المجرشه والعن ابو راعي الشليب
جم ادوب اتم امرمره يارويحتي شَنوه الذَنب
وَجم كطايه بهَل الفلا من جوعها ترعه العشب
ودجاجة العميه الوكت تمن لقط ينطيها
ذبيت روحي اعلى الجرش وادري الجرش ياذيها
ساعة وكسر المجرشه والعن ابو راعيها
ساعة وكسر المجرشه ومن حيلي ابدا ما اضم
ليلي ونهاري ياعرب الطُم على خدودي لَطُم
الناس بالكيف اوصفت واحنا ابهضيمه وبسُكم
لحد يابوا الشاره علي زوج البتول يقضيها
ذبيت روحي اعلى الجرش وادري الجرش ياذيها
ساعة وكسر المجرشه والعن ابو راعيها
ساعة وكسر المجرشه وبحركه واعيط ابعيطه
ومن راسي انزع فوطتي والبس البَرنيطه
ودنيا هل الوكت صارت يَول خَربيطه
الكَرعَه صُفت وام الشعر لو ضاقت انساويها
ساعة وكسر المجرشه وانحر على الهندية
والسيف اعمى بَهل الوكت وتجرح البَردية
بنت الاصول امرمره ومترفه العادية
احقلي ادك يمه الوكت وعوينتي اعميها
ساعة وكسر المجرشه والعن ابوراعيها
ساعة وكسر المجرشه وانحر على سابع اعنزه
واجمع نساوين البدوا وانصب على روحي العزه
بنت الذي سواد امكرمه وامعززه
وبنت الاصول امرمره ودوم الدهر جاويها
ساعة وكسر المجرشه والعن ابو راعيها
ولكم مني اطيب المنى
رعد العنبكي
فيديوات أيام زمان
من القلب للقلب
حكاية صورة
تراث وتاريخ
شخصيات في الذاكرة العراقية
طب وعلوم
إذاعة وتلفزيون
أدب الرحلات
زمن الماضي الجميل
أيام وذكريات
فى ربوع العراق
أفلام من الذاكرة
الطرب الأصيل
الأبراج وتفسير الأحلام
المتواجدون حاليا
539 زائر، ولايوجد أعضاء داخل الموقع
اخر الاخبار
- (الأسد) الذي صار كلبًا!!
- العراق بين رحى الأتفاقية الأبراهيمية والشرق الأوسط الجديد
- تحركات سنية في العراق وسط قلق شيعي
- برنامج سيرة من بلادي - فيصل الثاني وزواجه من سعاد العطار!!
- "النسر الأصلع" الطائر الوطني لأميركا رسمياً.. ماذا نعرف عنه؟
- السجن ٢٥ عاماً لمعلمة اغتصبت طفلاً عمره ١٢ عاماً وحملت منه
- كيف تغيرت استراتيجية هجمات الفصائل العراقية على إسرائيل خلال عام من الحرب
- دريد لحّام لـ«الشرق الأوسط»: انقضت سنوات القهر وأنا لم أكن مع النظام بل ضد الفوضى
تابعونا على الفيس بوك