مدلل بحضني

التفاصيل

تم إنشاءه بتاريخ الأحد, 03 نيسان/أبريل 2016 15:52

كتب بواسطة: الهام زكي

الهام زكي

مدلل بحضني

مدلل بحضني چنت

من چنت أريدك دوم

مهفة عشگ من گلبي صغت

تهفيلك بنص النوم

شنهو الجرى واتغيرت

ما تگلي شنهو اللوم

حيران من بعدك صرت

بالليل أعد نجوم

يا خسارة عشرتي اوياك

 ما خضرت بس هموم

أنا الچنت چنه الك

غدار تالیک اطلعت

وتگلي مظلوم

وأرجع وأصدگ چذبتك

وأگولن غصب

أنت من الغلط معصوم

يل هجرك عذابي أو حيرتي

أو من چيتك محروم

طيفك يغازلني غفل

وأنا بغرامك محكوم

نيران الهجر ما تنطفي

أو هذا أمر معلوم

كل يوم أگول باچر يرد

رغم سماي كلها غيوم

تتركني ليش ابلوتي

أو تترك گليبي الملچوم