گــَـلـْب امـَّـك

التفاصيل

تم إنشاءه بتاريخ الجمعة, 08 نيسان/أبريل 2016 06:57

كتب بواسطة: ميسون نعيم الرومي

ميسون نعيم الرومي

گــَـلـْب امـَّـك

گــَـلـْب امـَّـك *(شـَـحـْـمـانـي) اشـْـگـال ؟
ويـن اولـيـدي .. اوشـنـهـي الـصار؟
 
مـحـتـارَه اوهـالـتـسـأل رَبـْـعـَـك
تـبـْچـي اتـدَوّر لـيـل انـهـــــار
 
اتـْهـومـش .. تـسـأل يـانـاس
مـامـِـش نـِـشـْـدَه اولا آثــار
 
(شـَـحـْـمـانـي)  چـا ويــنـَـك ! أسـأل؟
داعـَـه ابـْحـَـقــْـنـَـه .. بـالـحـَق ثـار
 
صوتـَـه ابـإسـم الـشـَـعـب اوعـالـي
يـهـْـتـف وايـلاوي الأشـْـــــرار
 
ضيـم الـشـَـعـب ايـنـقـلـَه ابـحـرْگـَـه
مُـخـْـلـص .. يـبـْـن الـوَطـَن الـبـار
 
فسـّـاد احـْكـومـَـتــْـنـه امـْكـَـوْشـَـه
تـســرق تـذبـَـح .. يـالـلعـار !!
 
تـحـْـبـس تـنـفي اتـغـَـيـّـب تـكــْـذب
بـالـقـَـلـْعـَه اولـِـبـْـدَت بـاســـــوار
 
نـگـْطـَه اوطاحـَـت مـن اگـْـصَصْهـم
هـالـيـوم انـفـضحـَـت لـَـســـــرار
 
*(اعـبـادي) اومـَـفـْـتـون ابـْحـِـزبـَـه
يـكـْـذب وايـجـيـــــــــــد الإنـكـار
 
دسـتـورالـلي يـحـْـمـي الخـايــن
نـطـْـلـب تـَـغـْـيـرَه ابـإصـرار
 
مـَـنـسـي (الـشـَـحـْماني) اومـَحـْبـوس
مـَـدري ابـْـدَمـَّـه اوشــنـهـي صار
 
مَـجـْـلـس نـوّاب الـمـَـيـقــَـرّر
وصمـَه اصبـَـحـتـوا ابـوَصْمـَة عـار
 
يـاشـَـعـْـب الـثـائـر حـَي الله
سـاحـَة تـَـحـْريـرالأحـَـرار
 
هـالـسـاحـَـه اتـنـادي الـثـوّار
حـرّيـَّـه اوتـحـضن أحـرار
-------------
*جلال الشحماني:-ناشط مدني اختطف في الشهر التاسع/2015
ومصيره مجهول لحد اليوم
 
*اعبادي :-رئيس وزراء العراق
------
نيسان / 2016
ســــــــتوكهول