نكات مثل واقعنا المؤلم!!!؟؟

التفاصيل

تم إنشاءه بتاريخ الإثنين, 28 كانون2/يناير 2013 23:33

                                         سيف الدين الأوسي

1- نكتة  لمن هم  في السلطة اليوم  (( الجميع )).

كان في قديم  الزمان  صديقين ( لا شغل  ولا عمل ) ,  ليل نهار  يحتسون  الأسكنجبيل الأبيض والأصفر ومن كل الصنوف المساندة للعراقيين أيام القهر !!ومكابيل المزة  وباكيتات الجكاير تركي  وبغداد  !!!!
بعد  فترة  من الزمن  زهك  أحدهم  !!  وقال لصاحبه:

أني  مليت  من هل الشغلة  ورح  أروح   أدور  على فد شغله عمله,  لأن  ميصير  أبقه  هيجي !!   أنت  أشرحتسوي ؟؟؟؟
فأجابه   سأبقى  أشرب  !!!!
راح  الرجل  وقدم  على وظيفة  فتعين  ساعي  بريد  وأعطي  بايسكل  وزي موحد  ..  وبعد فترة التقى  بصديقه , فسأله  صديقه  !  ما شاء الله  بايسكل  وهدوم مرتبة  !!   فأجابه  الحمد لله تعينت   ودا  أشتغل  ,  بس  أنت  شدتسوي  هسه  ؟؟    أجابه (  دا  أشرب ).
بعد  فترة   أخرى   ترفع  الموظف  وأصبح  مأمور  بدالة  وأشترى   ماطور سكل   وتحسنت أحواله قليلا  ..ثم  التقى  بصديقه  وقال له  ..  دتشوف  الحمد لله تحسنت أموري  !!  أنت شدتسوي ؟؟؟أجابه  ( دا  أشرب )  .
رجع  الرجل  وأجتهد  وراح  خدمة أحتياط  وتسرح  ومن ثم ترفع  في وظيفته  الى رئيس قسم , أشترى  سيارة  أوبل  صغيرة  موديل 62 ( من طراز  كاديت  لونها  أبيض ) ,, وفي  أحد الأيام  التقى صديقه  القديم   وشرح له حالته وما مر عليه  فتعجب الصديق  !!!!!!  ثم  سأل الصديق  نفس السؤال السابق ؟؟؟   أشدتسوي هسه  ؟؟    أجاب  كنت فرار من الجيش  وشملني العفو  وبقيت  أشرب  ليل نهار  !!!!!!!
أخذ الرجل يجتهد  ويتعلم  الى أن ترفع  الى مدير عام  الدائرة   فأعطي  سيارة  حكومية  شوفرليت  أمبالا  67  سوده  وسايق  !!!!!!!!
بعد  فترة  التقى  الأصدقاء  القدماء  الأول  بسيارة الدائرة  والثاني  راكب  سيارة  رولز رويز  وسايق   ومرافق  !!!!
سأل  الصديق الثاني  الصديق الأول  ....  ما شاء  الله  شوفر وسايق  شنو القضية  ؟؟؟؟؟  أجابه  صرت  مدير عام  وهذه سيارة  الحكومة مو مالتي  بعدها  الأوبل عندي  !!!!!    بس أريد  أعرف   شنو  هل الفخفخة  والسيارة  والسايق والمرافق   متكلي  أشلون   جبتها ؟؟؟؟؟؟
أجابه  ....ولك   أثول   بعت   البطاله   البوش!!!!!!!!!!!
وها   نرى  اليوم   نفس  القصة  بس  محورة  !!!!!!!!!!!!

   

2-بطولة  العالم  بالقفز الحر الى الماء !
كانت  هنالك  بطولة  رياضية  للقفز  الحر  الى الماء  من أعلى  أرتفاع ممكن  الى  أقل عمق للماء ممكن  !!!!!!!!!!!
أتى الأسترالي   فطلب  عشرة أمتار أرتفاع  ومترين  عمق للماء !!!   قفز  !
أتى الياباني طالبا  عشرة  أمتار ونصف أرتفاع  ومتر وتسعين سم  عمق !!  قفز !!!
أتى الروسي  والأميركي  والهندي  والنيوزلندي   والبرازيلي  والفرنسي وقفزوا !!!
بدرجات  أقل  حسب التسلسل !!!
ثم  أتى الألماني  وقال  أريد   سبعة عشرة مترا أرتفاع  ومتر ونصف ماء  !!!!  قفز وحاز  على  أعجاب الجمهور!!!!!
أخيرا  جاء  دور  العراقي  فقال :أريد عشرين  متر أرتفاع  مع  وصلة مبللة  !!!!!!
 تفاجئ  الجميع  من منظمي المسابقة والحكام  !!!!  فنصحوه  بابا  مو تموت هيجي  !!!!
 أجابهم  أنتم شعليكم  !!!    أني  أريد  هيجي !
المهم وافقوا وذب  زرك  الأخ  وتفلش  وكام  يون  !!!    جوي عليه وكالوله  : أشكنالك؟؟؟ !!
أجاب  :  بس  أريد  أعرف  أبن الكلب  اللي  عصر  الوصلة منو !!!!!!!!
وهذا ما نراه   اليوم !!!!!!!!!!!!

   


3-الموسكوفيج  العاطلة  !!!
كان  رجل  مستور  صاحب  عائلة  لديه  سيارة(  موسكوفيج  أزرق كاروكي مجولحة )  يشتغل بيها بعد الدوام تكسي   ليعيل عائلته  .....
في  أحد الأيام    كام  الووتر بمب  مالتها  وطبك  على صفحة  ينتظر أحدا من أولاد الحلال يسحبه !!

فات  واحد  راكب  سيارة  أوستن مارتن  12  سلندر  وشافه عطف عليه  وجاب حبل مال هدوم  وسحبه  لأبو الموسكوفيج  !!!!
في  الترافك لايت  وكف أبو الأوستن مارتن  ووراه أبو الموسكوفيج    , وطبك  بصفهم  واحد  راكب  فراري   هم 12 سلندر!!وأخذ  يكفخ  على البانزين  لأستفزاز  أبو الأوستن مارتن !!!
   المهم  أشتعل الأخضر  وطار أبو الفراري  وراه  أبو الأوستن مارتن وراهم أبو الموسكوفيج !!!  100 , 150 , 200   كلم  طك  العداد مال الموسكوفيج   وغمى  على صاحبها  ونام  على الأستيرن والهورن !!  كام يدك  هورن الموسكوفيج  (  بيييييييييييييييييييييب )!!!!
  فاتوا  بسرعة  كبيرة  جدا من أمام  شرطي مرور في أحد التقاطعات  !! فلم يستطع أخذ أرقام السيارات للسرعة الكبيرة  !!!      أتصل  بنقطة المرور  التي بعده  قائلا بعصبية  :::::::::
     أكو  فراري   وراها  أوستن مارتن   وراهم  أبو موسكوفيج  دي يدكلهم   هورن  مده ينطوا  مجال ...أوقفوهم بسرعة !!!!!!!!
 وهذا هو حالنا وماذا  أذا أنقطع   الحبل  !!!   أسرح يصير بالموسكوفيج وصاحبها  ؟؟؟؟؟؟؟؟؟؟؟؟؟