تذكرتك ..

التفاصيل

تم إنشاءه بتاريخ الجمعة, 07 نيسان/أبريل 2017 21:25

كتب بواسطة: هشام الهاشمي

هشام الهاشمي

((تذكرتك))
تذكرتك وإجيت إبالي يفلان .. وبچت عيني عليك بديرة الغربة
بچت دم مو دمع العيون يهواي .. غربتي بفرگتك يا روحي صعبة
ونزف گلبي عليك هواي يهواي .. لأن أنت ملاذي وغيبتك نكبة
شتتني الزمن بين المسافات .. مثل اللي خسر عمره وخسر دربه
تيهت الدرب رايد أصير وياك .. بس حتى الأمل ما دلى عن دربه
بكل ديرة أفتح عيني مشتاگ .. أشوف الناس كلها برفگة وبصحبة
بس آنه وحيد أمشي بمتاهات .. جسمي هنا يعيش وروحي متغربة
أريد أبجي وأسمعك صوت الدموع .. كل دمعة بغيابك تنزل معصبة
وتگلك دمعتي شگد صعب الفراگ .. أصعب من خسارة مال لو حسبة
ثروة أنت بحياتي شلون بعداك؟!. تتهنا حياتي بديرة الغربة !!