حـَـيـّـالـَه الدنـيه

التفاصيل

تم إنشاءه بتاريخ الأحد, 16 نيسان/أبريل 2017 14:37

كتب بواسطة: ميسون نعيم الرومي

ميسون نعيم الرومي

حـَـيـّـالـَه الدنـيه

حـَـيـّـالـَه الدنـيه اوبـيـهـَـه افـنـون – اتـزَحـّـلـِگ رجـْلـَك وابـلا عون
قـَـدَر اويـلـْـعـَـب هالمـَـجـنـون – يـلعـَب لعـْب ايـفـن افـنـون
خـَـوّافـَه الدنـيه اوتحمي اشـرار
بالفـقـرَه اتـجـَـمـّرتـِـلهـَب نـار
والعـَـدل المتـكـَـتـّر محـتـار
قانـون اعـوَج ما مـَوزون – اعـّوَج ليـش اوليـش ايـخـون؟
حـَـيـّـالـَه الدنـيه اوبـيـهـَـه افـنـون
***
حـَـيـّـالـَه الدنـيه اعلينـَه اتجـور – نبني اونبني اتهـدّ السور
دارت بـينـَه اتـدور اتـدور – ظلمـَه اوسـودَه مامش نـور
دنـيانـَه اتـطشـّـر طـِشـّـار
من( آدم ) .. خايف محتار!
دَمّ الشعـب ايـسـيـل انهار
حكـّام اوتهـْجـِم بالدور – ابـدَم الفقـرَه تبني اقـصور
لاكـو عـَـدل اولا قـانـون
حـَـيـّـالـَه الدنـيه اوبـيـهـَـه افـنـون
***
حـَـيـّـالـَه الدنـيه تغري اتـقـَـشـمر – ثلج اتراوي غفلة ايجمـّر
كلهه اتموت اومحد عـَمـَّـر –اتهـَـدَّه ! بالك تطغه او تـتـنـَمـَّر
على گـَـد الحافـَـك مـدّ اخطاك
صعبه اليمشي اهنا واهناك
قشمر يبقه الهذا اوذاك
مفضوح اشما ضل يتسـَـتـَّر – تضوي الشمس الدنيه اتنور
واضح وامـبـيـن كـل لـون
 حـَـيـّـالـَه الدنـيه اوبـيـهـَـه افـنـون
اتزحلگ رجلك يا مجنون
اعوج ليش اوليش اتخون؟
حـَـيـّـالـَه الدنـيه اوبـيـهـَـه افـنـون
---------------------
بــغــداد
نيسان 2017