عالم عجيب !!!!!!

التفاصيل

تم إنشاءه بتاريخ الخميس, 16 تشرين2/نوفمبر 2017 11:04

كتب بواسطة: سيف الدين الألوسي

                    سيف الدين الألوسي

عالم عجيب !!!!!!

عمرنا اللي خلص وانكضه مثل جكارة السومر !!!! عيش وشوف !!! ديج يكرك عل البيض ويتوحم ،، وعگرك يجيب كواسج بلية سنون ،، وأسد يتمرگص ويصبغ ميش ويحف ،، وذيب املط يسمع دي ليلى ويتمقلج ،، وثعلب صادق وواعظ ديني متعاطف مع الدجاج ،، وهر عتوي يخاف من الجريدي ليعضه ، وخنزير يحلف بغيرته وبشرفه ،،، وسمچ يفرچ سنونه بسيغنال ،، وزمال يفتهم بالميكانيك الكمي ومعادلة شروندنغر ويناقش اينشتاين بنظريته ،، ونعامة عدها صوف مليان كشره وتستعمل شامبو ،، وثور بليه صماخ يحلبوه ،،،،، وبغل يفتخر بأخواله ،، ودب يسوي شيره ومانكير وبادكير ،،، وفيل مشتري گصبة حتى يشرب بالبطل ،، وارنب ياكل ملوخية بالفراخ ،، وحية توزع چبن مگطن وببسي واستمارات هجرة ،، وصقر لابس مناظر طبية ،، وحمامة تقصف بالمدافع وتوزع بوكسات حديد ،، وبلبل ياكل پاجة ويشرب سڤن ويتريع ،، وشادي يشتغل بالسياسة ويكرز حب ،، وخفاش يشوف بالنهار ،، وبومه تغني وتركص ليل ونهار ودك چمبارات وتهز رگبه ،، وصرصر خال ريحة وشعره تواليت ويعلچ ،،،،وابو بريص لابس تراكسوت ،، وذبان نايم بالايركوندشن ويتأفف من الكهرباء حتى يسافر للبنان ،، ونحلة نايمه للظهاري تستورد عسل وشمع من بلاد النمل ،،وجرادة تلعب جم تضرب ابر نفخ ،، وشعوب غنية جدا بطرانة ،،، وفقيرة وكاتلها الضيم والهبري ، حايرة بنص الدرب محتارة !! ايهما اغبى الطرن أم الاثول أو الدماغسز !!! ملتهية بالريال وبرشلونة !!! 

واقع حظنا السعيد اليوم !!!!!
حتى مالك الحزين خربان من الضحك على هذا الزمن المخالف ،، ورح يسوي جبهة وحلف مع اللگالگ و الغربان ويؤجرون بيبيات متو من كل البلدان ، تتكلم باسمهم بكل اللغات والقنوات وعبر الاقمار الاصطناعية وخدمات التواصل الاجتماعي !!!! مندري ،، الواحد شيسوي !!!!!!!! تحية للجميع وكل الود .