اليوم .. ميلادي

التفاصيل

تم إنشاءه بتاريخ الخميس, 28 كانون1/ديسمبر 2017 17:18

كتب بواسطة: ميسون نعيم الرومي

ميسون نعيم الرومي

اليوم .. ميلادي

ويـَّـه المسيح اليوم ميلادي
امي هالبچت
ويـّاهـَه اجدادي
رادوني وَلـَـد..
الهم سـَـنـَـدّ
يا خيبه اوقهر
هـَم جـَـتــّهم ابنيـَّه
واچماله .. سـبـيعيـّه
الجـِـدَّه بـچـَت..
رادت البـِشـريـّه..
الناس امعيدَّه..
والدنيه مضويّه
ابميلاد المسيح
اوشجرة الميلاد
واطفال الطرف تنتظر عيديـّه
بس امّي بـِچـَـت !
والأزمه صحيـّة
الحالة .. اتشـَخـّصَت
والعـِلـَّه نفسيه
چا هذا الجره .. وابيوم ميىلادي
خـَيـبـت الأمل .. لهـّلي والأجدادي
ويه المسيح اليوم
ميلادي
***
هالدار الزمـَن..
يركض ابدوراته
تـِسـّعـَه اتصفطن ...
والبابا ممتحن
والدنيا مسبيـّه
چا هذا الزمن
يهدي بالمحن
ما نابني غير الحزن
والماما اتـعـِبـَـت
واطـّـتـني (فـِصليـّه)..
خلصَت .. بالقهر...
ومن كثر الندم چا ماتت اصبيه
يلعب هالقدر
يرگص ابچـَفـيـّه
سابينه سبي
كل يوم چوبيه
واصفينه بالقطب
تيـّهنـَه الدرب
وابأزمه سياسيه
العيشه امطينه
واسنين جرّت بالسـَـنـَه
نتذكر نظل كل سنه الميعادي
اسمك بالگلب محفور يبلادي
ايذكرني المسيح ابيوم ميلادي
چا ويـّه المسيح اليوم ميلادي
اليوم .. ميلادي..
--------------------
24 / ديسمبر/2017
ســـــــتوكهولم