ايران اتريد اترليون

التفاصيل

تم إنشاءه بتاريخ الخميس, 16 آب/أغسطس 2018 18:31

كتب بواسطة: ميسون نعيم الرومي

                             ميسون نعيم الرومي

ايران اتريد اترليون

مليارات اخذت ايران - فوگاهه اتريد اترليون
اموافج گالت احزابك - يعراقي حاسب ليخون
***
يعراقي شعبك ما ينذل – صامد انت اتهز الكون
لاتسكت ياهيبة عالم – ثـور او ازحف بالمليون
***
ازحف ع الخضره اوفلشهه – حاكـُمهـُم بسم القانون
(جنسيات اثنين) .. اوعدهم – يتفنن بالبوگ افنون
***
اشوكت اتشبعون الله ايهدكم – چنـتـو ابـأوربا اتجدون
(ابريمـَر) نـدري العـَينكـم – حِـفـّاي اوبينـَه اتـقـودون
***
بسم الدين (حسين) اذبحتوْ – (حسين) الثوره..متبري منكم تدرون
عطشــان اومات اوماســاوم – ع المـبدأ وانتـوْ اتسـيـؤون
***
(أحمد والوالد عمار) – هيدو اشويه .. متخجلون؟
الشارع هاليهتف ضدكم - ويّ الثـوار اتهتـفـون ؟
***
احذر ياشعبي اومن ذوله – رادو للثوره ايبوگون
باگو أطيان (الكراده) – ابذهب الموتاهم .. يبنون
شعب الباقي اوقاده اتموت – اقروا التاريخ .. اتعرفون
البايگ ثروتـنـَه ايرجعها – كافـيكم بـيها اتـبـوگـــون
---------------------
16 / آب / 2018
ســــــتوكهولم