يا شعب الثائر حياك

التفاصيل

تم إنشاءه بتاريخ الأحد, 17 تشرين2/نوفمبر 2019 19:34

كتب بواسطة: ميسون نعيم الرومي

ميسون نعيم الرومي

يا شعب الثائر حياك

انزل وامسحهم
ياشعب انزل وامسحهم – اولادك هدّوا ما همهم
حق اوياك اوتنتزعه - يتحرر وطنك من عدهم
شهدائك وطني اتنادي - بالثار اويطلب دمهم
انزل .. وامسحهم
***
بغداد الحرَّه اننكبت – العون اتريده اومن عدكم
اولادك ذوله انتفضوا – احميهم انزل واسندهم
(حسين) الوصاكم جدكم – (هيهات الذله ومنكم)
انزل .. وامسحهم
***
احكومة انقاذ انشكل – كلهه الجوگه انحاكمهم
مليارات انباگت ترجع – بغداد اوتنظف من عدهم
سلموه الوطن الايران – سراق انتخموا من كدكم
انزل .. وامسحهم
***
يا شعب الثائر حياك – مليونيه او تطلع ترعبهم
وطنك بيتك يرجاك – تحمي الثوره اوحاصرهم
ذلوك اســـنين اتحدوك – يومك هذا اوتردعهم
انزل .. وامسحهم
-----------------
19/تشرين/2019
ســــتوكهولم