قصة مثل لا حظت برجيلها .. ولا خذت سيد علي

التفاصيل

تم إنشاءه بتاريخ الجمعة, 03 أيار 2013 20:52

ابو المثل مخلى شي مگاله


لا حظت برجيلها .. ولا خذت سيد علي

مؤيد الناصر

قصة مثل
طبعا لهذا المثل قصة كلش حلوة يقولون كان ياما كان كان اكو امرأة حلوة وعفيفة وطاهرة
تزوجت هذي رجال فقير رزقة قليل كلش
وحالتهم فد مرة موزينة بس كان هذا الرجل يحبها ويداريها ويحاول دائما اسعادها باي طريقة
بعد سنوات المرة طكت من الفقر الي هم بيه وضاجت وثارت على نفسها
وكرهت عيشتها وي زوجها
فراحت تسأل نساء المنطقة عن واحد يفتح الفال "عراف " يعني
نساء المنطقة دلوها على واحد اسمه " السيد علي "
يعني تريد تعرف المستقبل رح يتحسن وضعهم بيه لو لاء
السيد علي طبعا شافها انبهر بيها وبجمالها وعينه مثل منقول زاغت عليها
وقرر وي نفسه يوكعها بحبه.
وطبعا قرالها الطالع وقال انو نجمها او كوكبها وي كوكب زوجها ميتوالمون وميتفاهمون
وهي جاهله بافكارها تصدق طبها
واقنعها بالطلاق ووعدها انو رح يتزوجها
وراحت مشاكل وي رجلها الا تطلقني والمسكين طلقها
راحت عدها عالسيد علي اسأله عالوعد
وعرفت انو هو كذاب ووراها رادت ترجع لزوجها ومقبل لان انجرح منها

وراحت المرأة بالاخير لبيت اهلها حزينة ويائسة ، ،
واهالي الحي طلعو عليها المثل:

(( لا حظت برجيلها .. ولا خذت سيد علي )) ،
ولاموا المرأة على سوء تصرفاتها ،
وعدم قناعتها بما قسم الله تعالى لها من رزق وهسه صارت هاي السالفه مثل