خبال !!!

التفاصيل

تم إنشاءه بتاريخ الجمعة, 24 تموز/يوليو 2020 08:50

كتب بواسطة: سيف الدين الألوسي

                         سيف الدين الألوسي

خبال !!!

صديق عزيز كتب لي ، بأن تقوم وزارة الصحة العراقية باعلان عدد الذين يتخبلون رسمي يوميا ، وعدد المحالين الى الشماعية وابن رشد ، ونسبة الشفاء للحالات البسيطة منهم !!!
واسوة بالكورونا !!!
رح نتخبل رسمي ،،، ورح نصير موطن الخبال الجيد ،، مثل سيلان موطن الشاي الجيد !!
منين متجيها عاكسة !!!
حرارة فوك الخمسين وكهرباء ماكو !!!
شغل وعمل ماكو !!!
كورونا مشتغلتنه مربعتين ونحن نتقدم بامتياز !!!!!
حصرة بالبيت !!!
قنوات تلفزيونية تبعث على الملل !!!
اخبار كلها موت وحروب ومؤامرات !!!
تنافس بين بايدن المنافق الدجال وترامب ابو كذله ،، ووصلت بالقنادر !!!
تدخلات غير مفهومة بالدول من دول اخرى دون حق !!!
حتى قناة الناشيونال جيو غرافيك بطرگ صيد التونا ومخدرات المطارات ببيرو ،، والحيايه !! برامج مكررة سخيفة !
طوبة ماكو !!!
قزلقرط ماكو واهس !!!!
عيد ماكو ،، بسبب انشطار العوائل وتشظيهم بكل الدول عبر المحيطات ،، والابناء والاحفاد والاقارب كل واحد جوه نجمة !!!
فيس بوك كله موت وتعازي واخبار چذب !!!
امراض الشيخوخة تأتي مبكرا وگمنه ننام واحنه گاعدين على الكرسي ، !!!
كل ميطلع ابو وحيد ينگطع الكهرباء !!!
وهم هذا عمر وهاي تاليها !!!!
وعمت عين السادكتك كولت شليمون الله يرحمه !!!!!!