صيني في أميركا !!!

التفاصيل

تم إنشاءه بتاريخ الثلاثاء, 10 تشرين2/نوفمبر 2020 12:17

كتب بواسطة: سيف الدين الألوسي

                       سيف الدين الألوسي

صيني في أميركا !!!

قبل اكثر من اربعة عشر عاما ،، كنت مؤجرا تاون هاوس باحدى المجمعات السكنية الجميلة في احدى مناطق بويزي بولاية ايداهو الاميركية !!!
بويزي مثل النخيب !!! تركب عدة طيارات يلله توصلها ،، منطقة هادئة جدا جميلة خضراء وملونة بالورود ،،، مثالية لسكن المتقاعدين والشعراء والرسامين والكتاب !!!
تجد فيها اربعة فصول كل سنة ،، مو مثل ولايات كلها ربيع مثل كاليفورنيا لو صيف وشتاء مثل ميتشغان والينوي وتكساس !!!! عيبها مكطوعة وينراد تركب عدة سيارات من العلاوي لتصلها، مثل وحدة مال جيش بتلفات الدنيا !! المصريون وصلوا الى وحدات الجيش بالمنگطعة وفتحوا گهاوي لابو خليل بالقرى البعيدة بالثمانينات اثناء الحرب ،، وكانوا يقدمون الجاي والطعمية والفطير المشلتت والگيمر لابو خليل !!!
كذلك الصينيون وصلوا الى بويزي وفتحوا محلات للاكل الصيني التعبان ومحلات لبيع مستلزمات هذا الاكل من صراصر وجريدية وبط مخنوك وخنازير نايمين على خوانيگها وجريدية وخفافيش منتوفة بدوه حمام !!
بعد شهر من تأجيري البيت وكان نظيف جدا والمجمع يبرج برج ،، تم ايجار بيت الى زوجين صينيين زوج فحوله وزوج نثاية ،، وكان بيتهم على بعد اربعة بيوت من بيتي !!! وثمانية بيوت من بيت اولادي !!داخل المجمع السكني! وره شهرين گامت الصراصر تحلق بالبيوت مال المجمع كلها ،، وكذلك انواع الدود والحشرات والجريدية !!
شنو القضية ؟؟؟ اشتكينا لمديرة المجمع ،، وجابت فرق صيانة للدور وكل قبض ماكو !!
تتبعنا خط تنقل وانتشار الصراصر انا والجيران وقسم منهم عجايز حقن !! وصلنا الى بيت الصينيين !!! الجيفة تكتل يمهم !!! وره ايام تركوا المجمع وشلعوا !!!
شركة المجمع ومديرته جلبت شركة لمكافحة الحشرات والقوارض ،، لابسين مثل رواد الفضاء وسياراتهم عجيبة غريبة تحتوي على كل المبيدات !
دخلوا للبيت واذا البيت مثل مختبر تجارب !! طرشي مال صراصر حمرة منكعة بالخل والثوم ومطيبة بالزعفران !!! جريدية مع الثوم بالمي وملح !!!! دود بالمايونيز والزبد !!! انواع واشكال والصراصر الحمر متفحة وكل صرصر متربي طوله انجين ،، والريحة تكتل كتل !!!
حتى شركة التنظيف والتعقيم لعبت نفسهم من القذارة !!! وحتى ورق التواليت مخمر بالحمام !!!
المهم ، اسبوع ينظفون بالبيت الكنج الصغير ودك تعقيم له وللمجاري بالمجمع وتم القضاء على الصراصر والقوارض بنجاح ساحق !!
مديرة المجمع رادت تقاضي الصينين بس فص ملح وذاب !!!
وراها رجلها صار بي جلطة وصار شلل !!! والبيت المقابل بيت الصينيين شرب طن ونص فودكا ومخدرات ومات من تأثيرها وعاف الورث للبزونة الكريهة مالته !!
واني لميت جوالاتي وعبرت اميركا بالعرض بالسيارة حيث انتقلت الى ميتشيغان وبعد ان جعلت السفرة زيارة وتسيارة وحيث لدي مئات الاصدقاء والاقارب والجوارين فيها ،، وحيث مريت بولايات روهايد وترنتي ورنكو وزورو في يوتا ووايمينغ ونبراسكا،، وايوا وحيث زرت اخونا الكبير الفنان الرائد عامر العبيدي ،، والينوي وانديانا وميتشغان بالاخر ،،، والطريق السريع الملئ بدور استراحة بديعة وموتيلات المرقم ٨٠ ،، كله ثلوج وهوه عالي ودرجات حرارة جوه الصفر بعدة درجات وبحيت حتى نهر المسيسيبي الكبير والعريض والفاصل بين ايوا والينوي كان متجمدا !!! والطريق كله اسب بالصينيين وساعة السوده اللي صاروا بيها تجار وكلاوجية براس دول العالم !!!
وقاهر الصحراء أني اسألوا البولسكي عني !!!!! ولميشغان حكاية اخرى !!