حچاية التنگال ٩٩٩

التفاصيل

تم إنشاءه بتاريخ الأربعاء, 23 كانون1/ديسمبر 2020 18:20

كتب بواسطة: د.سعد العبيدي

                            د.سعد العبيدي

حچاية التنگال ٩٩٩

سألوا عبد الله، ليش دايخ؟. جاوبهم: 

الي مدوخني، قريت أمس فد موضوع بوسائل التواصل الاجتماعي على موقع صديق، ورجعت قريتة عدة مرات وبعدني دايخ.
رجعوا سألوه: يمعود شنو هذا الموضوع الي هالگد مدوخك؟.
جاوبهم وگال: الخمور الي سووها الربع مثل الحزورة.
واحد من الگاعدين خلص صبره وگال: يا معوّد أبو نجم متگلنه اشلون؟.
إبو نجم هم ما چذب خبر گام يجرجر وتاليها گال: دققوا بلراح أگوله زين وشوفوا إذا ما تدوخون مثلي:
وزارة التجارة تنطي للتاجر موافقه لاستيراد الخمور.
الوقفين الشيعي والسني يحرموها.
وزارة المالية تفرض عليها ضرايب ورسوم گمرگية، تدعم اقتصاد البلد بيها.
وزارة الداخلية تلقي القبض على يسكر من وراها.
السياحة تنطي اجازات للبارات والأماكن الي تبيعها.
المليشيات الدينية هي الي تحرسها وهي الي تفجر بيها.
بربكم دولة الي ما گدرت تتصافه على بطل عرگ تعتقدون تگدر تحل مشاكل اقتصاد وصناعة وتجارة وزراعة وجيران شِرّه !!!!!.