الى شعبنا الذي امامه فترة عصيبة اهديها

التفاصيل

تم إنشاءه بتاريخ الخميس, 24 كانون1/ديسمبر 2020 10:50

كتب بواسطة: ميسون نعيم الرومي

ميسون نعيم الرومي

الى شعبنا الذي امامه فترة عصيبة اهديها

اشما سـَـوَّه صدام سويتوا أكثر
ليام الحصار انعود يا حكم الاگشر
***
-(بنگ المركزي) نهبوه باگوْ (الخمره)-
والقـيـمة (الدينار) باچـر يـدمـْـرَه

اقصد الخمره اهناك (الاحتياطي)-
تسقط العمله اتطيح والفگر لاطي
***
مية الف ، ميتين صارن كواغد
والمسعد البواگ ع الكرسي گاعد
***
جوگة حثاله اذناب حكموا وطنه
خربوا عراق الخير فگروا شعبنه
***
صلخونه صلخ الشاة ذبحوا ولدنه
خلونه ع الرنگات واحنه سكتنه
***
ارد انشد الاذناب واللي غزونه
ملينتوا كافي عاد بس خلـّصونه
***
حط ايدك اعله الجيب واتحزم احزام
بوك اونهب واسجون وياهه اجرام
***
محد يريد احساب انه ارد ابشرك
باچر مجاعه اتصير توجر ابشعبك
***
فرّخـَـت عدنه احزاب مثل (الجراوي)-
واحد ابحضن الآخ ع الشعب واوي
***
لا ذمـَّه لا أخلاق كلهم طلايــب
بالنهـب والتخريب سـَـوّوْ عجايب
***
ارد انشد المسؤول واللي نهبنه
مشبعتوا بسكم عاد جايع شعبنه
***
ليوين السكوت اشلون جايتنه ازمه
والساكت المنهوب محد يرحمه
***
الله الك (يعراق) مـَحـَّـد يـعـيـنـَـك
يسكت قلمنه اشلون يا ربي وينك
---------------
21 / ديسمبر/2020
ســـتوكهولم