وَرْد الربـيـع

التفاصيل

تم إنشاءه بتاريخ السبت, 06 آذار/مارس 2021 17:43

كتب بواسطة: ميسون نعيم الرومي

ميسون نعيم الرومي

وَرْد الربـيـع

ورد الربيع ايميل لوفات من يـَـمـَّـه
تشرق شمس تشرين لوضحك سنـَّـه
نـَـدَّه الفـَـجر محلاه ! بجبينه ضوه
أسـمـَـر كريم الإيد .. چـَـن مـِزنـَه
***
الشـَعـَـر عَ الوجنات چـَـن ليل اوگـمر
رِقـَّه اوترافه اوسحر! يكتل كتل حِسنه
نـَـثــْر اوشـِـعر چلماته ! لو يحچي غزل
قـِـدّاح او ورد لوفات ! معجون بالحنـَّه
***
يا نسمة صبح .. (يـبـْـن) بغداد يمدلل
بخدوده نهـَـر .. من كوثــَر الجـَّـنه
على شاطي النهر والإيد تحضن إيد
بسـنـيـن العمر عـَهـْـد اوتعاهـَـدنـَه
***
سيوف او تـِـرامي العـيـن واويلاه
يخـْـزر خـَـزر واتعـدَّه من يـمنه
ابهيده من تمشي دلع مغرور يمدلل
لا چن ربينه سوه اولا چن تعاهدنه
***
ثاريهه الخيانه طبع اوطبع من طبعه
وافـنـون امعدده والغـَـدر من فـَـنـَّـه
چم جرح الك بالگلب!هاك احسب اواشبر
ونــّات ما إلهن عدد ونـَّـه ابأثر وَنـَّـه
ونـَّـه ابأثر وَنـَّه
-------------
5/آذار/2021
ســتوكهولم