ياگلب .. كافينـَه

التفاصيل

تم إنشاءه بتاريخ الإثنين, 26 نيسان/أبريل 2021 06:05

كتب بواسطة: ميسون نعيم الرومي

ميسون نعيم الرومي

ياگلب .. كافينـَه

شبعونـَه بچي ..
والروح تبقه حنينه
وك غمك يا گلب ..
ليوين عنده رهينه !
***
دومك رچيچ اوتحن ..
ياگلب كافينه
لاتيأس اولا تهده ابد..
بالضيم ساگينه
***
غربه اوبعيد الدرب ..
والشوگ چاوينه
العين تربي اوما تمل ..
والوكت ناسينه
***
تعبنه هذا الوكت..
بلوات بالينه
هانت نگول اوننتظر..
والفرج چا وينه ؟
***
مشتاگه روحي تـِـرِف ..
للنخله والتينه
الدجله وعذيبي يهب ..
الدهلته اوطينه
***
للناي واللحن الشجي ..
عاشگ أنه اونينه
الگعداتنه اوطيبة هلي ..
يا حلم ودينه
***
ياما گعدنه سوه ..
والحان غنينه
الغيبه طالت تره ..
وانصاف ملگينه
***
بطل رفيف او بس بعد ..
ياگلب تاذينه
راحن اسنين العمر..
يا روحي ما بينه!!
***
ضعنه ابمتاهات الزمن ..
الزين والعينه
اتطشر عقدنه انفرط ..
يا دنيه لمـّـيـنـَه..
-( بـَغـداد) .. لمـّـيـنـَه
-------------
22 / نيسان /2021
ســـتوكهولم