مرت سنه اوثاني سنه

ميسون نعيم الرومي

مرت سنه اوثاني سنه

لا خطف ...
لا ترويع ... لا طلقات !!
لا حرگ الخيم ... !
لا دخان بالهامات !!
لا طرف ثاث .. !
لا طرف ثاني .. لا رابع
حريه او أمان اليوم بالساحات !
***
شوفوهه الخيم .. تتلامع ابفد لون
ملكـوه العراق ..اوباگوهن النفطات ...
واتقاسموا بالگيات


لا ضل نخل لا ماي
لا ذهبات
***
فضائيين الحشد نحسبهه ما تنعد
رواتبهه اشكثر ؟
بالجيب مليارات
بالگوَّه الحكم ... يردونه بالتهديد!!
ماهمهم وطن ...
والخير للجارات
***
يا ويلي الشباب انذبحت (ابتشرين)-
-(اثمنميه) العدد والجرحه بالكومات
ما رادوا كراسي...او لارادوا المنصب
طلبوْ وطن والاصلاح
هتفوْ للعراق ...
اوعلوههن الرايات
***
مرت سنه ، اوهاي السنه...
والحال نفس الحال
اوجوه اتكررت والشعب بالعازات
حصتهم ذهب وابيوت (بالخضراء)-
حصتنه الذبح واسجون والخيبات
چاوينه العدل...
يا ناس چا وينه...؟
شو مرت سنه اوثاني سنه..
لا انصاف شفنه ...
اوما شفنه شارات
----------------------
تظاهرات تشرين العراقية أو الاحتجاجات العراقية 2019 أو ثورة تشرين هي تظاهرات اندلعت في 1 تشرين الأول 2019، في بغداد وبقية محافظات جنوب العراق احتجاجاً على تردّي الأوضاع الاقتصادية للبلد، وانتشار الفساد الإداري والبطالة. ووصلت مطالب المتظاهرين إلى إسقاط النظام الحاكم واستقالة حكومة عادل عبد المهدي، وتشكيل حكومة مؤقتة وإجراء انتخابات مبكرة. وندّد المتظاهرون أيضاً بالتدخل الإيراني في العراق وحرق العديد منهم العلم الإيراني.[6] واجهت القوات الأمنية هذه المظاهرات بعنف شديد واستعملت قوات الأمن صنف القناصة واستُهدِف المتظاهرين بالرصاص الحي، وبلغ عدد القتلى من المتظاهرين حوالي 740 شخصا منذ بدء المظاهرات وأُصيب أكثر من 17 ألف بجروح خلال المظاهرات ومن بينهم 3 آلاف "إعاقة" جسدية، فضلاً على اعتقال العديد من المحتجين وأيضاً قطع شبكة الإنترنت.
-(منقول عن ويكيبيديا الموسوة الحرة)-
---------------------
25/تشرين الأول/2021
ســتوكهولم

 

  

إذاعة وتلفزيون‏



أفلام من الذاكرة

الأبراج وتفسير الأحلام

المتواجدون حاليا

710 زائر، ولايوجد أعضاء داخل الموقع