عملية جراحية لانسداد الامعاء!!

التفاصيل

تم إنشاءه بتاريخ الثلاثاء, 19 نيسان/أبريل 2022 09:37

كتب بواسطة: سيف الدين الألوسي

                         سيف الدين الألوسي

عملية جراحية لانسداد الامعاء

عندي صديق مقرب طبيب جراح عيادته بجنب مكتبي السابق بالمنصور ،
في احد الايام ايام الحصار تأخر على الدوام الى الساعة السابعة مساءا ، المراجعين ينتظرون ، وهو اعتياديا يداوم بالاربعة عصرا ، اجه صاير عصبي وگتله خير دكتور؟؟ ، اشو تعبان وعصبي؟ .

گاللي ، نهاية دوامي بالمستشفى جتي حالة طارئة لمطي ابن مطي متزقنب كيلوين رمان ومحصرم بامعاءه وبالمستقيم ومدتطلع بطنه صار ايام وامعاءه صاير بيها انسداد ، وفتحته وتليصت بالقزقرط والجيفة وبقيت اشتغل بيه ابن المطي اني والمقيم الاقدم ساعتين ونص!! ، ورجعت للبيت بوچي للحمام حيث غسلت واخذتلي كسرة وهسه جيت للعيادة !
بشرفك سيفي اكو ادمي ياكل كيلوين رمان ؟ شلون دثو اغبر . صرنه نزازيح من وراه !!!!!
قبل ايام التقينا بعمان ولانه متقاعد الان وضحكنا على تلك الحادثة وربطناها ويه عملية الانسداد السياسي بدولة نيكاراغوا الفيدرالية الديمقراطية !! الحايرة بزمانها هي واهلها . وبس ليحصرم الرمان .