الادمي وخصوصا العراقي فوق ال ٦٥ !!

التفاصيل

تم إنشاءه بتاريخ الأحد, 15 أيار 2022 10:42

كتب بواسطة: سيف الدين الألوسي

                            سيف الدين الألوسي

الادمي وخصوصا العراقي فوق ال ٦٥ !!

١- يكتب مذكرات لكل اعضاء جسمه ،، ومنها موالات وفراكيات حزينة لاعضاء مهمة انتهت وحضارات سادت ثم بادت !!
٢- كل ساعة يبدل مناظر !!
٣- ينسى يشد الحزام بالسيارة !!
٤- ينسى ان يأخذ ادويته وخصوصا ادوية قبل النوم بالليل !!!
٥- يتنفس من حلگه ويضوج من جهاز الاوكسجين الموصوف له بالنوم !! وكل ربع ساعة يختنك ويفز !!!
٦- بالگوه يگوم من الفراش كل ساعتين للذهاب للادب وتفريغ الراديتر بالليل !!!
٧- من ينام يحلم بالقادسية والحصار واحتلال العراق ومجلس الحكم وشخصيات ما بعد الحداثة التي اتت لحكم العراق ،، ويفز من نومه من يشوف فيلم الرعب هذا !
٨- ينام ويغفي وهو يدخن او يسمع اغنية بالاي فون ،، ويفز خوفا من ان يحترك البيت!!
٩- يگوم يدور زلاطة مال خس وجرجير ونومي حامض وزيت ليحافظ على صحته ،، ووره ميتعشه الزلاطه يضرب جدر يابسة وتمن مال الغده ويسوي حكاكه زينة !! ويبقى للصبح كاعد يون من الغازات !!!
١٠- يدور دفاتر عتك ،، ويحاول اثبات نظرية فيثاغورس !!
١١- كل يوم يجيك جوازاته شوكت تخلص الڤالادتي مالته ،، ويجيك اوراقه قبل الترحيل الى الراحة الابدية .
١٢- باله دايخ على كل الاجيال وشايل هموم الدنيا كلها !!
١٣- يحسد كمالا على هذا التوفيق اللي خلاها لازگه بالكوستم الرصاصي صار سنة وهي بليه شغل وعمل ،، شغلتها الوحيدة تلبس ماسك حتى لتصير كورونا وتعدي سيد شباب الروك اند رول بايدن ابو الهمايم !!
١٤- يتفرج على روتانا وسينما كلاسيك ،، ويضرب خيال على تحية كاريوكا من چان عمرها ٢٨ سنة !!
١٥- يترك شكو صابون روعة !! ويگوم يغسل بصابون رگي يلزك !!
وليفة ميد ان اراك ، تنكطع وره غسلتين !!!
١٦- يلبس جواريبه و نعاله تك وتك!!
١٧- يكعد من النوم وهو يون من وجع ظهره !!
١٨- كل يوم يقيس الضغط والسكر ويسوي تحليل حتى يطمأن نفسه ويطلب من الله تعالى ليطيل بعمره سنة اضافية من طيحان الحظ والتهجول والترزل والضياع 

طاح حظك ابن ادم ،، طماع لاخر رمق،،مثل سوسو طرب