وفاة القط شرهان - ٩

التفاصيل

تم إنشاءه بتاريخ الأربعاء, 23 تشرين2/نوفمبر 2022 18:09

كتب بواسطة: د.طلعت الخضيري

                         د. طلعت الخضيري

وفاة القط شرهان - ٩

ألمقدمه
كان لدى زوجه أحد الأصدقاء في أوربا قط مدلل سمته شرهان وقد وافاه الأجل بعد شيخوخه مريحه ومرض عضال ووري التراب في أحد غاباتها.
لطمو الناس من ما ت شرهان ... بزون مدلل بس ماله أمان
يوميه بأدبه ينطي برهان ... ومن عمه وعمته شابع حنان
----------
عيونه مكحله وشعره مسرح ... وبكل انحاء البيت يسرح ويمرح
ومن يزعل يخرمش ويجرح ... ووجهه يوم كمر ويوم هلال
------------
عمته جانت بيه تتونس وتفرح ... وبالبسين ما ممنوع يلعب ويسبح
ومن يزعل مثل الجلب ينبح ... وشابع من ربعه حب ودلال
--------
تركوني دوم بأعماله أمدح ... لأنه جان راضي عني ويصفح
بس أحيانا البعد عنه أريح ... يوم وجهه حلو ويوم جنه نعال
-------
لأصحابه جنه يوميه ننصح ... لا تخلوه مثل الخروف ينطح
ومثل الذيب تاليتهه يصبح ... وينكال عنه القيل والقال
-------------
بزون جان شهرته عالي جناب ... وما داعي نوكفله حاجب بالباب
وبالحقيقه أبد ماكو عليه عتاب ... وممكن بامتحان الدكتوراه ينجح
--------
يقال بعلم الفلك هوه عليم ... ومنطقه حلو دوم منطق سليم
وبالحساب والقواعدكلش فهيم ... أللي عاشره ما يخسر ودوم يربح
-----------
دوم بركبته قرديله فظيه ... ويبعد عنه البزازين الدونيه
بس أحيانا تكون نفسه دنيه ... من يشوف بزونه حلوه ينبح
--------------
من يزعل ينفخ ويشرمخ ... ينسه تربيته وما يبقاله مخ
ومن يمسدوله ينام ويتختخ ... وبين ألأحضان يسرح ويمرح
------------
شرهان هر حيل محترم ... وما يعجبه إله السمج واللحم
لحم ترف و بغير شحم ... ومن عاداته أبد ميتوب وينصلح
-------------
يكولون عنده أفكار عظيمه ... والمطر يكدر ينزله من الغيمه
دوم يخلي لنفسه قيمه ... عتوي شهم وحيل مغوار
------------
ياويل عله الكلمن يعاديه ... وراهه لازم يهديه ويرضيه
وعين الحمره محد يراويه ... وبركبته كلاده وبيده سوار
__________
كتب في بغداد 8-11-1995