مضفور بسنين العمر

التفاصيل

تم إنشاءه بتاريخ الإثنين, 18 كانون1/ديسمبر 2023 11:16

كتب بواسطة: ميسون نعيم الرومي

ميسون نعيم الرومي

مضفور بسنين العمر

بعيونك الحلوه بحر
غابات واشجار اوصور
والنظره البعينه دفو
لو صوبت .. رشة مطر
***
نجمات تتغامز فرح
بالشفه من گال الشعر
البحه البصوته غوه
واحروف تتناثر عطر
***
مثل الشمس لو مر يشع
والوجه چن فلعة گمر
الرصعه البخده ضوه
بالحنه معجون الشعر
***
امنمنم او كلش ترف
وابرقـته ورد او زهر
ردت اوصفه حار الوصف
وابشوفته يغشي البصر
***
مر ابعجل مثل الحلم
جيت اگربت صد او نفر
ضيعت عنوانه واسـألت..
مضفور بسنين العمر
----------------
ديسمبر / 2023
ســــتوكهولم