عدنه حچي وانگوله

التفاصيل

تم إنشاءه بتاريخ السبت, 25 أيار 2024 16:16

كتب بواسطة: ميسون نعيم الرومي

 ميسون نعيم الرومي

عدنه حچي وانگوله

بعد عدنه حچي وانگوله
واضفاير شگر مجدوله
يگليبي بسك تحن
ليوين تبقه ممتحن
مزنه اوتمر ويـّه الجفن
دمعة فرح مدري حزن
صيف اوربيع اوشته
كل الوكت وافصوله
عدنه حچي وانگوله
……..
بعده الحچي عايز حچي
اعوازة فرح ملنه البچي
الگعده يم شاطي النهر
ايورد العمر يحله السمر
افي النخل وكت الفجر
حس البلابل ع الشجر
واتنطرت يمته تجي
والسكته صارت سوله
اهوايه حچي وانگوله
……
ورد او غفه بخدوده
يحله الوشم بزنوده
الكحله لاگت ع الجفن
رف الگلب ليـَه او يحن
والنجمة نامت ع الوجن
هاكثر عنده حسن!
مثل الغصن يا طوله
تاه الحچي النگوله
وينـَه الحچي النگوله؟
………………..
ســـــــتوكهولم
مايس / 2024