{ بـعــدنــه}

التفاصيل

تم إنشاءه بتاريخ الإثنين, 20 نيسان/أبريل 2026 09:06

كتب بواسطة: ميسون نعيم الرومي

ميسون نعيم الرومي

{ بـعــدنــه}

بعدنه نجرع العلكم
وبعد الجرح يحرك او يلجمم
وبعدهه بالگلب چويات ما تغفه
وبعدنه نـِلمْلم بالحزن وانطشّه
وبعدنه نتبع المايرحم
او نمشي وره المايفهم
وبعدنه نرجه بالسمه وانكول
جا يمته
بعدنه نلطم وما نشبع
وانولول او بس نشكي
بعدنه بالحچي استاديه
اوبعدنه نرتشي ..اوهم نرشي
وبعدنه نلهم بالصبر والهم
اوبعدنه امطشرين.. اشوكت نلتم ؟
وبعدنه نرجه بالسمه.. وانكول…
جا يمته
او بعدنه ننتخب كان اوكان
او تمشي سنين .. اوتخلص الازمان
اوننسه الجره والصار من العام
او بعدنه ننشِرَه ابـلـّـفه
او بعدنه نسايين.. وبالعجل ننسه
من كتلو ولدنه او نهر صار الدم
وامنه امحزمه او.. تلطم
تعودنه ع الصبر.. والذل
او نكرع بالحزن والهم
او بعدنه انصيح… چا يمته
چا يمته…
…………………………..
نيسان / 2026
ســتوكهولم