لو يعدموني مثل زلخا أباب الشرجي أظل أگول الحق و ما أخاف /٧

التفاصيل

تم إنشاءه بتاريخ الإثنين, 18 أيار 2026 16:35

كتب بواسطة: أبو حمودي البغدادي

أبو حمودي البغدادي

أبو حمود ي أشو اليوم تضحك مو على عوايدك ، أحچينة شكو؟؟؟

والله ما گلت غير الحقيقة ، شغلة تخرب ضحك.!!
- احچيها و نورنا خلينا نضحك وياك كودن صرنه بزمن نادرا ما نضحك كلها حزن بحزن!!.
تغرفون رغم كوني مو هالگد بالقراية والكتابة بلاكد أحتفظ ببعض الجرايد والمجلات اللي بيها شغلات مهمة... اليوم لگيت جريدة مو كلش قديمة ناشرة خبر أغرب من الخيال!!.
- داحچيها ابو حمودي وگولة المصريين ( هات من الأخر).
واحد خريج ابتدائية شد رتبة لواء ركن وهو مايعرف الجك من البوك من العسكرية.
- لواء ركن فد مرة؟؟ دشلك نقيب عمي اكثر شي رائد أما مو ضابط برتبة قائد وفوگاها ركن!.
الأخ ما كذب خبر سنوات شايل هالرتبة و سيارات وحماية على اساس لواء ركن و مستشار رئيس الوزراء!.
- شلون بهلوان هذا دخيل الله ، تالهيه شلون أنكشف؟؟.
انكشف بعد ان لعب شاطي باطي و السبب كودن لا حكومة ولا متابعة گولة غوار الطوشي ( حارة كلمن أيدو الو)!!.
- خوش وياترى هذا الخبر موثق ، نعني قصدي معلومة صحية؟؟.
أخوية انت دارس و تفتهم تعال اقرأ الجرية وخلي الكل تسمع...حتى صورته موجوده!! وناشرين حتى صورته وهو يتجول بالأهوار!.
- جيبها .. يا ستار ، يگولك:

توسط لضباط والتقى مسؤولين.. إيقاف لواء ركن "مزيف" في العراق

أعلنت وزارة الدفاع العراقية، الجمعة، نهاية إحدى أكثر قصص انتحال الصفات إثارة في البلاد، بتوقيف شخص ادعى لعامين أنه ضابط في الجيش، ومستشار برئاسة الوزراء!!.

واستغل الموقوف صفته المزورة لجمع أموال ضخمة، كما انطلت حيلته على مسؤولين في وزارة الدفاع، خصصوا له فرقة حماية خاصة، كانت تؤمن تنقلاته باستمرار.

وأظهرت المتابعة أن الضابط المزعوم، انتحل صفتي "مستشار رئيس الوزراء، وضابط برتبة لواء ركن في بغداد".

وكشف التحقيق أنه التقى بعدد من النواب والمسؤولين، فضلاً عن لقائه بوكيل وزير الدفاع ورئيس لجنة المشاريع في الوزارة، 3 مرات.

وتفقد المشتبه به الوحدات العسكرية في قطاعات الأنبار والموصل، كما توسط لضباط أصبحوا أمراء أفواج وسرايا، ونقل بعض الجنود من وحدة إلى أخرى.

وبعد التعمق بالتحقيق معه، تبين أنه تخرج من المرحلة الابتدائية، وكان يذهب إلى جنوب العراق بصفته ضابطاً في الجيش، ويلتقي بالمحافظين وشيوخ العشائر، ويذهب بجولة في الأهوار لتفقد الوحدات العسكرية.

وذكرت وسائل إعلام محلية أن المشتبه به كان يأخذ إتاوات بمئات الملايين من الدنانير، ويحصل على هدايا عبارة عن مسدسات وسيارات من ضباط كبار بوزارة الدفاع.

وتبين أن منتحل الصفة أمضى بهذا المنصب الوهمي سنتين، وحينما تم اعتقاله، وجدوا أن عناصر حمايته منتسبون إلى وزارة الدفاع، وتم تفريغهم للعمل معه في مهمة الحماية، وهم يستقلون سيارات تابعة لوزارة الدفاع العراقية.
- والله العظيم دخت ،شغلة أغرب من الخيال ، لعد وين الحكومة والأجهزة و البرلمان؟؟.
أخوية مو كلناها گبل الحكومة والبرلمان والوزراء ملتهين بشغلات أهم!.
- مثل أيش؟؟ نعني أكو أهم من أمن الدولة؟؟.
أكيد أكو،الخمط والشفط والعمالة... كافي خو شفتوا و سمعتوا؟؟.
- تعال يا ولد جيبنه چاي وماي و النه الله!!