لو يعدموني مثل زلخا أباب الشرجي أظل أگول الحق و ما أخاف /٨

التفاصيل

تم إنشاءه بتاريخ الإثنين, 01 حزيران/يونيو 2026 07:54

كتب بواسطة: أبو حمودي البغدادي

أبو حمودي البغدادي

لو يعدموني مثل زلخا أباب الشرجي أظل أگول الحق و ما أخاف /٨

-صباح الخير أبو حمودي أشو أمغبش اليوم؟؟
صدكني البارجة مانمت .. بس أفكر!
- خير ان اشاءالله شكو؟؟ شنو الجديد؟؟.
والله أكو غير المصايب؟؟.
- اشو شايل جريدة بيدك؟؟
مريت عالمكتبة براس الشارع و اشتريتها ودأنتظرك تقراها الي؟
- وشكو بالجرايد هالأيام؟؟.
مايخالف الي قصد.
- جيبها وتدلل..

أقرالي العناوين الرئيسية فقط.

- مو تدلل... يكولك .. الميزانية..

- لاتكمل اللي بعدها.. ياميزانية يا صخام..؟

- وضع الحجر الأساس..

لاتكمل ، جسر لو مدرسة لو مستشفى كلها حبر على الورق.. حرامية هذوله مال مشاريع وعمران.. غير خبر..

- دمج ميليشا مقدى بالحكومة..

تمام كمل بروح أبوك .. هي هذه الطمة الكبرى!!.

- أبو حمودي على بختك ليش هيج تفكر هذه خطوة مهمة..

لامهمة ولا بطيخ ، وليدي هذه كارثة..

- ما أفتهمت!.

خوش سؤال.. وليدي ، قبل كانت المليشيات معروفين بملابسهم والياتهم و امكان تحركهم و قادتهم ... تمام.

- أكيد تمام

طيب اليوم من ينظمون الى الجهات الأمنية راح يلبسون ملابس هذه الأجهزة ويلبسون ملابس هالأجهزة وبعدين ما نعرف هذولي اجهزة امنية حقيقية لو ميليشيات ولبست ملابس الأجهزة.

- وشكو بيها؟؟

بيها كلشي هذوله يبقون ينتمون لايران وياخذون التوجيهات من حرس خميني و يرتكبون ابشع الجرائم بأسم الدولة العراقية ولامن شاف ولا من درى!!.

- والله تفكير صحيح وهذه شخصيا فاتتني.

وليدي بأختصار : ذيب بجلد خروف ، وعندك الحساب.. والله العظيم فلا تصيرلهم جارة يلتفون عليك و كلاواتهم فلا تحلص.

أبو حمودي أنت عراقي غيور والله يكثر من أمثالكم.

وليدي أكو ملايين مثلي ، أكو أكاديمين ومحليين بكد الدنيا وردد وياي: اللهم أحفظ العراق وشعب العراق.

- اللهُم آمين يا رب العامين... جاي وماي لأبو حمودي..

شكد ما يراوغون و يستلمون توجيهات من حرس خميني نهايتهم لابد منها وبكارثة تحل على رؤسهم وأموالهم وممتلكاتهم ولابد أن يطلع الشمس عاحرامية ولو بعد حين.

- أكيد لا مفر..والكم الله يا العراقيين.