شمسوين؟

التفاصيل

تم إنشاءه بتاريخ الخميس, 30 تموز/يوليو 2026 09:56

كتب بواسطة: ميسون نعيم الرومي

ميسون نعيم الرومي

شمسوين ؟

الدنيه اترك بينه اوتاذينه

تتعاند حيل اوتسبينه

نتكفه الشر او ما ترحم

تتلاوه اويانه اوتلوينه

متطشرين ابكل دَلوله او بالعالم

الوينه او وينه والعينه

شمسوين ؟

اونمشي ونمشي .. او نعگد

جرح ابجرح انعكده اويكبر

شوكت او يمته اوليوين

نبقه ابـ هالحال او نفتر

ضعنه وتيهنه المعبر

والضيم امجلجل ينحر

شمسوين ؟

ملينه العيشه المره

واحنه اولاد الدنيه الحره

دنيانه اتدور اوتمشي

واحنه انعيد انعيد الكره

واسنين اومرت واسنين

مصرع يفترمية

او مللنه الدنيه

والحزن فره

شمسوين ؟

اونمشي وانعد اونحسب

بالزمن المرسوم اعله الخد

ملنه الصبر البينه يتجدد .. يكبر

ننطر كل ساعه اوكل يوم

والفرح المنه اليبعد .. وايفر

ليش اوليش او شمسوين..

شمسوين اي شمسوين .. ؟

ســتوكهولم

28 / 7 \ 2026