لو يعدموني مثل زلخا أباب الشرجي أظل أگول الحق و ما أخاف /١٨

التفاصيل

تم إنشاءه بتاريخ الجمعة, 04 أيلول/سبتمبر 2026 09:42

كتب بواسطة: أبو حمودي البغدادي

أبو حمودي البغدادي

 لو يعدموني مثل زلخا أباب الشرجي أظل أگول الحق و ما أخاف /١٨

-الله بالخير أبو حمودي.. شنو للسه جنت نايم مو الدنيا ظهر؟؟

الله بالخير والبركة.. لاوالله من صلاة الفجر ومانمت بس أگلب الأخبار والقنوات وكلها سودة وأمصخمة!!.
-خير ان شاءالله.
هو وين الخير بوجود الحرامية والجواسيس و العتاگة؟؟.
- شنو الجديد؟؟
احلفكم باالله مظاهرات و ثوار تشرين قبل سنوات بيها شائبة وأخطاء غير الشباب من حرصهم وحبهم لوطنهم؟؟.
-اكيد لاء وكلامكم كلها دقيقة و من غير مناقشة.
هساع يا أخي عرفنا الجماعة أمضيعين صول چعابهم ومايگدرون يدبروا الحكم ولا ادارة الحكم، هسه أگعدوا وأنجبوا والتهوا بالنصب والأختيال وركضة طويريج وليش تدخلون بأمور ما تعنيكم و تخلون الصخر يتكلم!!.
- أبو حمودي رحمة على والديك خش بالموضوع وأنطينه شنهو الجديد؟؟.
الجديد تصريحات الخائن وسايق التاتا اللي صار محلل ومفكر وفيلسوف زمانة وهو حمار بمعنى الكلمة.
- هذا ياهو منهم ، هم كلهم نفس الصافات؟؟.
البروفيسور في التمن والقيمة والفسنجون هادي العامري اللي شارك حرس خميني بقتل ابنائنا ايام حربنا مع ايران.
- وشنو الجديد؟؟
الجديد يا محفوظ السلامة تصريحاته الأخيرة عن شبابنا في تظاهرات تشرين عام 2019 يوكف وبكل وقاحة ومستحى يكول:
"المقاومة هي التي وقفت بشجاعة أمام فتنة تشرين وحفظت الدولة والنظام السياسي".
الله عليكم هذا كلام مال واحد عراقي لو جاسوس ايراني وحاقد بأمتياز؟؟؟
- والعراقين راح يسكتون؟؟.
اكيد لاء والله بكل المحافظات مكلوبة الدنيا ..هاك أقرأ:
تجتهد عائلات ضحايا "تظاهرات تشرين" في استكمال كل الوثائق التي تثبت مقتل أو إصابة أبنائهم في مواجهات مع القوات الأمنية خلال مشاركتهم باحتجاجات عام 2019 لتقديمها ضمن دعاوى رسمية في المحاكم العراقية، على خلفية التصريحات الأخيرة التي أطلقها زعيم منظمة بدر هادي العامري.
و"تظاهرات تشرين" هي حراك شعبي واسع النطاق بدء في العاصمة بغداد في 1 تشرين الأول/ أكتوبر عام 2019، واستمر حتى العاشر من الشهر نفسه قبل أن تتوقف ومن ثم تُستأنف في يوم 25 من الشهر المذكور في بغداد والمحافظات الوسطى والجنوبية واستمرت لعدة أشهر حتى قدم رئيس الوزراء في حينها عادل عبد المهدي استقالته، إلا أن التظاهرات تواصلت لحين تسنم مصطفى الكاظمي رئاسة الحكومة.

وشهدت الاحتجاجات مواجهات بين المتظاهرين والقوات الأمنية وسقط خلالها المئات من القتلى من كلا الطرفين والآلاف من الجرحى.
- وبرأيك هذا الحل مناسب تجاه المجرم هادي العامري؟؟.
أكيد.. اتحداه اذا طلع للمحافظات لو حمايته كل منظمة بدر!!.
أخوية هذه الدعاوي اساس متين ليوم الحساب والله لايصير طشارهم ماله والي والايام بيننا.
- الله يحفظك ابو حمودي الورد على هالبشارة.. تعال ياولد جايات وماي وعلى حسابي!!.