ربنا لو حابب يوجعنا

التفاصيل

تم إنشاءه بتاريخ الأحد, 29 كانون1/ديسمبر 2013 20:32

احمد مطاوع

ربنا بـ يقرب ناس من ناس ..

علشان بـ يعوض ناس تانيه ..

علشان أيامنا متكررش ..

ربنا بـ يلون فـ الدنيا ..

و حاببنا نعيشها بـ ألوانها ..

و نستطعم كل ما يسعدنا ..

ربنا مش حابب نتعود ..

على حاجه وجودها بـ يتعبنا ..

ربنا أوقات ..

من كتر ما هو بـ يكرمنا ..

بـ يكسرنا ساعات ..

علشان يتغير تفكيرنا ..

ربنا تخطيطه كبير جداً ..

ربنا لو حابب يوجعنا ..

كان سابنا لحد ما يوم نغلط ..

و بعديها يقرر يحاسبنا ..

كان قَفِل أبواب التوبه ..

ربنا لو حابب يوجعنا ..

كان سابنا ننادى على الرحمه ..

من غير ما يفكر يسمعنا ..