بغداد مبنية بتمر فلش وكل خستاوي!!!

التفاصيل

تم إنشاءه بتاريخ الإثنين, 14 تموز/يوليو 2014 16:34

وانا طفل صغير كنت اسمع أمثال واحاديث
بقيت منقوشة في ذاكرتي ولا اعرف معناها وقصصها
وعلى سبيل المثال

بغداد مبنية بتمر..... فلش واكل خستاوي
دفعني فضولي في نبش الماضي والبحث في احشاء النت عن معنى هذا المثل
ومناسبة قوله
وكم كانت المفاجئة مثيرة كثيرا عندما عرفت انه جزء من قصيدة شعرية شعبية من وحي شعر امير شعراء الشعر الشعبي العراقي و العربي الملا عبود الکرخي و لسرد الماضي للاجيال القادمة ولتطابق واقع ماضي القصيدة مع زمننا الحاضر يسرني تقديم وتدوين هذه القصيدة الشعبية الرائعة للراحل الملا عبود الکرخي للاخوة المتصفحين
فأرجوا ان تنال اعجابكم

بغداد مبنية بتمر فلش وكل خستاوي

بغداد مبنية بتمر فلش وكل خستاوي
بغداد مبنية بتمر ما ينكضي هذا العمر
يهواي دبرلي الامر التين اصبح لاوي

بغداد مبنية بلقم وترابها سسي وبطم
للطم على راسي لطم وانحر على المناوي

بغداد مبنية بزبد خلاني اتمرمر واكد
اني صرت مثل العبد والسيد كريزاوي

بغداد مبنية بخرك وانهارها تجري عرك
من هالامر كلبي احترك صار الشغل بداوي
فلش واكل تين ورطب واخلط التفاح وعنب
يا هل خلك كلبي انعطب بالنار من عتاوي
فلش وكل مركة هوه ومن التمر سهمي النوه
جلدي على عظمي التوه من طب ابو نجاوي*

بغداد مرشوشة بعسل واحجارها ثوم وبصل
والماي في دجلة وصل هذا الكيش حلاوي
اني صرت شايل حمل ومن اللبس حظي سمل
والتمر بالبصرة زبل لا سيما الخضراوي
برحي والبريم ودكل ما ينفعك شغل النخل
بابوجي من جلد الصخل والاجنبي فرنساوي
بربن وزهدي واشرسي طعمه ابد ما ينسي
الفلاح ابد ما ينكسي من الحشف والحلاوي

الاجنبي نهبني نهب وماطلني بالزور وكذب
فرهد الحنطة والشلب والتمن الخضراوي
فرهدلي صوفي والدهن وسهمي من الزرع التبن
خاف احجي وضمني السجن اومي ومي صنطاوي

فلش وكل خستاوي

*نجاوي ..ابو ناجي:الأنكليز وألاحتلال البريطاني للعراق

ملاحظة:المادة أرسلها الأخ المهندس/ اسماعيل الجاف..فشكرا له

للأسف لم نتوصل الى أسم الكاتب..لابد أن نعتذر منه