محيسن : في رسالة مفتوحة ...

التفاصيل

تم إنشاءه بتاريخ الأحد, 28 تشرين1/أكتوير 2012 09:41

 محيسن : في رسالة مفتوحة ...

حسن حاتم المذكور

كاكـه حـمـه

لا اعتقد انك افضل حالاً مني , كلانا يتسكع على قارعة اوتيلات ( 5 ــ 7 ) نجوم والسوبرماركات ومحطات الوقود والأندية والملاهي الليلية , لأننا لا ننتمي للأحزاب الرئيسية لحكومة الشراكة بدرجة ( عضو فرقة ) , لسؤ حظنا , اننا لا نحب بعضنا , مشحونين برذائل الأحقاد والكراهية وسؤ الفهم , لا نعرف اين نضع اقدامنا , فقط كل منا يمتلكه خوف مزدوج , احدهما من بعضنا والأخر من الأجهزة التاديبية لفخامة السلطان .

انقطعت بنا خيوط المستقبل , سوى كل منا يمتلكه ويتصرف بـه قائد .

ﮔـلـبـي عـلـى ﮔـلـبـك حـمـه

وﮔـلـبـك عـلـي مـن الـصـخـر

نـكـريـت خـوتـنـه وصـرت

دهـن ودبـس ويـه الـدهـر

..................

دهن ودبس ويه الغرب ـ مغرور ومتيه الدرب

حصبه وجدري بالدرب ـ حسبتنه مو طفرة نهر

 ..............

شـﮕد صدﮔيت وﭽذبوا ـ شـﮕد واعدوك وما وفوا

باعوك بالعلوه ومشوا ـ غداره وانته المنغدر

..............

يا ﮔـلب سمـﭽـه شصدﮔـت ـ صيادك الوياه رحت

لا حسبيت ولا شرت ـ صادوك يالمالك عذر

.............

خويه حمه كلي اشصار ـ مـﮕـبح ولا ﭽـنك جار

ﭽـنه وﭽـنت رفجة دار ـ لا تمشي وحدك تنهطر

..............

خويه لا تسد الباب ـ محيسن وياه بقشه عتاب

لا تنبح بوجهه ﭽـلاب ـ دمه وي دمك منهدر

............

يا حمه ﮔـلي شغيرك ـ ﭽـنتوا هلي وﭽـنه هلك

عبوة صديج المثلك ـ تدري بعضيدك تنفجر

 ........

كاكه حمه ﮔـلي شبيك ـ متنـﮓ على اليحلف بيك

ضيم العلي مثله عليك ـ لا تبتعد وانه انتظر

.............

انه هم مثلك زرج ـ مطفح على ﭽـتاف الروج

لا للغرﮒ لا للفوج ـ لا صاعد ولا منحدر

 ..............

سو دوله وحنه احبابهه ـ تـﮕـعد وتغفه ابابهه

بس لا ضلوعي اشبابهه ـ يعطس الجار وتنكسر

  ..............

حمه الباﮔـوك باﮔـوني ـ حمه الباعوك باعوني

حمه الوزوك هشوني ـ المشه براي الغرب يعثر

..............

خويه انه ﮔـبلك مبيوع ـ اشرب من العبره دموع

منك شمع وانه شموع ـ نزرع دربنه وننتصر

.............

افرش مضيفي لو تجي ـ ظهري على ظهرك ننتـﭽـي

نقرأ بوذيه وهربجي ـ نراويهم انجوم الظهر

28 / 10/ 2012