من غير زعل ..أسئلة الى المحققين اللي يحققون مع نائب ابو بكر البغدادي

                                                      

                            جلال چرمگا

    

من غير زعل ..أسئلة الى المحققين اللي يحققون مع نائب ابو بكر البغدادي!!.

قبل أيام شفنا في نشرات الأخبار نبأ أعتقال نائب زعيم داعش المدعو سامي جاسم الجبوري .

وهذا المعتقل اله اهمية چبيرة لكونه نائب البغدادي والمشرف العام لأدارة الملفات المالية والأقتصادية لتنظيم داعش الأرهابي.
بالمناسبة كانت أمريكا وضعت الرجل على قائمة الأرهاب و خصصت خمسة ملايين دولار مقابل معلومات عنه.
يعني بكل المقاييس الرجل مهم وعنده اغلبية اسرار تنظيمه من الألف الى الياء!!.
العراقيين جميعا فرحوا بالخبر ولاسيما الخبر صحيح وظهر مكبل بالحديد من فوگ ليجوه و بلحية كثيفة وحزن شديد وندم ولكن ياترى شيفيد الندم بعد ما تلطخت يداه وجماعته بقتل آلآف من اهلنا وناسنا و خراب ودمار كل مدينة أو قصبة وحتى قرى دخلولها؟؟.
طيب ، هسه المجرم موجود و المحققين يحققون وياه وياترى يگدر يفلت من ايديهم واني متأكد أكو محققين من أمريكا ودول اخرى مختصين ويعروفن شلون يححقون ويه هالمجرمين وشلون يخلوا يعترف بكلشي و كلاشي!!.
ياترى راح يعترف:
- بداية التنظيم وشلون شكلوا تنظيماتهم .
- منو سلحهم ودربهم؟؟
- منين جابوا كل هالأمكانيات الفنية و التقنية؟؟.
- منين جابوا هالملايين من الدولارات و من هي الجهة اللي تدعمهم؟؟.
- شلون احتلوا الموصل؟؟.
- منين ومن يا واجهة نزل ابو بكر البغدادي وبكل وسامته ونظافته ودخل الموصل و خطب بالحاضرين؟؟.
- شلون توسعت تنظيماتهم ووصلت الى انحاء اوربا حيث مئات المقاتلين الأجانب؟؟.

منو من السياسيين العراقيين كان على اتصال بزعيمهم؟؟؟
- منو كان يساعدهم بتهريب النفط من العراق و سوريا؟؟.
- منين جابوا هالأسطول من السيارات اليابانية ومنو ساعدهم بأدخالها الى مناطقهم؟؟.
- عشرات الأسئلة الأخرى والعراقيين ينتظرون أجوبة مقنعة!!.
شخصيا ما أظن نسمع شىء من اللي ذكرناها اطلاقا كودن شلون الدول اللى دعمتهم يخلون أني وأنتو نطلع على هالأسرار؟؟.
مع ذلك نتحرك ونحچي ولو بأضعف الأيمان ونُذكر الجماعة بلكي يردون علينا ولو بجزء من هذه الأسرار ... همينة أنعم الله.

   

  

إذاعة وتلفزيون‏



الأبراج وتفسير الأحلام

المتواجدون حاليا

919 زائر، ولايوجد أعضاء داخل الموقع