لو يعدموني مثل زلخا أباب الشرجي أظل أگول الحق و ما أخاف /١٠

التفاصيل

تم إنشاءه بتاريخ الثلاثاء, 16 حزيران/يونيو 2026 08:26

كتب بواسطة: أبو حمودي البغدادي

أبو حمودي البغدادي

لو يعدموني مثل زلخا أباب الشرجي أظل أگول الحق و ما أخاف /١٠

-أبو حمودي شنو رأيك بالوضع الحالي بالأخص اتفاقية أمريكا وايران؟؟

شوف أگولك أني دائماً مع الصلح وعمر الحروب ماجابت نتائج ، لو تجمع وتطرح الطرفين خسرانين.
-شلون؟؟
أخوية الطرفين ناطين خسائر بشرية ومادية وتجويع البشر، يعني أنطيك مثل:
كلكم تعرفون أني مو ويه النظام الأيراني ولكن أتعاطف ويه الشعوب الأيرانية!.
-أشو الشعوب الإيرانية؟؟.
طبعا لعد شعبالك ؟؟، ايران بيها :
عرب وكورد و عجم وبلوش وأذريين و أقوام أخرى وبالمناسبة العجم هم الأكثرية من زمان هم بالسطة ولليوم..هاك أقرأ:
يتشكل الشعب الإيراني من فسيفساء عرقية وقومية متنوعة تعود لجذور مختلفة، حيث يُشكل الفرس الأغلبية بنحو 61% من السكان، وتتوزع باقي النسب على القوميات الأخرى مثل: الآذريين (16%)، الأكراد (10%)، اللور (6%)، العرب والبلوش (2% لكل منهما)، إلى جانب أقليات أخرى.يتضح التوزيع السكاني والتفاصيل العرقية وفقاً للآتي:الفرس: يشكلون الأغلبية المطلقة وينتمون إلى المجموعة الآرية.الآذريون: يُعدون ثاني أكبر قومية، ويتواجدون بكثرة في مناطق الشمال الغربي.
- تمام..بس أعتقد على طول عمرهم عدهم حب السيطرة على الجيران و فرض مذهبهم وعقيدتهم على الشعوب الأخرى سواء بالقوة لو بالأغراءات والأموال!.
بالضبط حطيت ايدك على الجرح ، الأيراني مايريد ينطي تضحيات بشرية .
- ما افتهمت؟؟.
هسه أفهمك .. النظام الإيراني مستعد يجوع شعبه من أجل السيطرة على الدول الأخرى ويدفع المليارات والملاين وفي نفس الوقت يخلي اهالي هذه الدول تتناحر بيناتها ويتقاتلون والنتيجة آلآف القتلى بين الجانبين وهو بس يتفرج و يدفع باهالأموال والأسلحة ومثل ما تشوفون اللي جرى ويجري بالعراق و لبنان وسوريا واليمن وحتى دول أفريقية فقيرة.
- ما گلت غير الحقيقة، طيب والنتيجة؟؟
أعتقد هسه أمريكا أنطوهم درس قاسي و جرة اذن اتمنى شوية و يراجعون حساباتهم.
-رحمة على والديك ،طيب و الشعوب الإيرانية راضية باهالوضع؟؟.
ما راضين تذكر العام الماضي شلون كل المحافظات گبت وانتفضوا بلاكد ماطولت بسبب الأعتقالات والأعدامات والمهم هنا :
الأيراني مايقتل ايراني لذلك طلبوا من الحشد الشعبي العراقي و الحوثيين وشيعة افغانستان و لبنان أن يدخلوا ايران ويخمدوا الأنتفاضة بالقوة ، وهذولة متحمسين وقتلوا الآف بكل المدن الأيرانية والسلطات أعتقلت الأضعاف.
- النتجة؟؟
گتلك بالتأكيد اليوم مو البارحة لذلك هالمرة اذا انتفضت الشعوب الأيرانية أعتقد راح يسون شىء بأذن الله.
-وتعتقد يسووها؟؟.
بالتأكيد الجوع كافر.. أويلي على ثورة الجياع والله العظيم لو يستخدمون طائرات ومدافع فلا يگدرون يخمدوها عالمرة!.
- الف رحمة على والديك.. وينك ياولد چايات للجماعة وعلى حسابي ، اليوم محاضرة أبو حمودي كانت كلش مفيدة.