الماضي الجميل...

التفاصيل

تم إنشاءه بتاريخ الخميس, 30 كانون2/يناير 2014 11:58

صالح الجبوري

الماضي الجميل

جرفنا العشك والشوك للديوان
ولكعدة أهلنا وكهوه والفنجان

وسوالف محبة تفوح بعطر ريحان
وأخوه تصونها الغيره والوجدان

وين  أيام الاول ؟ خبرني  يابن  فلان
وين سفرات الحضر وسامرا والسلمان

وين  أغاني  الريف  بأعذب   الالحان
لو ريحة خبز تنور توصلنا من جيران

ليش الكرم والخيرعدنا اصبح ظرف نسيان
تبدلت  الوادم  والبشر والفكر ظل  حيران

و صرنا نتسائل كل وكت ليش  البدن  تعبان
متعوب  اكثر مسى من  بعد  هالعدوان

عدوان  شر  وكفر بصحبة  الشيطان
ورغم النهب والسلب مستمر بكل آن

البشر ماله ثمن وأصبح  ظرف نسيان  
يتاجرون بينا الرَّبُع بالحزب والاديان

واديانهم كلها دغش وتغضب الرحمن
يسرقون أموال الشعب المنهك الحيران

واليوم عدهم أرصده تصعب على السلطان
وعلى  المناصب  قتل  تتهاوش   الصبيان

يظنون   هذا  العرش  يخلده   الانسان
ومايدرون برمشة جفن تتهاوى الابدان

يمكن  يفهمك  بشر لو  سمعت  الاذان
لكن  كلامك عدم  لو  تناشد   الحيطان

صالح الجبوري