وزارتنا بين الگطان والجري !!!

التفاصيل

تم إنشاءه بتاريخ الخميس, 18 أيلول/سبتمبر 2014 10:28

كتب بواسطة: سرمد الجراح

                            بقلم:سرمد الجراح

الكرد مستاؤون, البصاروه مهملون, التركمان مهمشون, المسيحيون غير ممثلون, السنه غير راضون, الشيعه مستهدفون, الله وملائكته حائرون!!!! فبأي الاء ربكم تكذبون؟؟

مابقه أحد يعترض الا اللذين يشربون, فهم يحتاجون للمزه والفودكا ليسكرون!!!
وحده عراقيه للگشر, برلمان اسمه عراقي!!! ولكنك لا تسمع الا مطالب هذه القبيله أو تلك العصابه
واضح جدا للأعمى والمبصر, إن حال البلد المصخم لايعني أحدا, اللهم الا الچايچي بكافتريا البرلمان, أما الساده النواب, فهم منشغلون بحساب الغنائم والجزيه!!!
لانريد الحكم على ماستؤول له النتائج, ولكن كما تقول أمهاتنا, الجاهل مبين من ....!!
فالوزاره الجديده تشكلت على مايبدو بطريقة, كرات لعبة الدنبله, فبعد وضع نفس الاسماء العاويه في السله, تمت الچرخله وجرت السحبه!!
صار عشر سنين مانگدر نتفق على وزير دفاع وداخليه!!! شگد عدنه ثقه واحد بالثاني لعد؟؟
أحسن شي تسووه , تخلون وزير دفاع أمريكي, ووزير داخليه بريطاني!!!
أقسملكم بكلشي مقدس راح يهدء العراق, بس راح كل البرلمان ينام سجن!!!

من اللقطات الظريفه لبرلمان العراق
- جلوس رئيس الجمهوريه ونوابه الثلاثه بمنتهى الحميميه والاخوه, وما ينقصهم غير ميز ودومنه ويلعبون على چايات البرلمان, أزنيف!!
- التصويت في البرلمان وحساب النتيجه, لازالت تتم بطريقة علوة السمچ!! هل طشت گطاطين وهذا طشت جري!!!
- بنص الجلسه, ناس رايحه وناس جايه وناس تسولف وناس توها گاعده من النوم, ونائبه تسولف بالتلفون, ووحده تگلم باميه, والفتلاوي تريد يتنازلون عن الجنسيه الايرانيه!!
- من كل الوزارات عجبني اختيار الجعفري للخارجيه!!! هوه من يحچي عربي احنه مانفتهم شيگول؟؟؟ من راح يگعد ويه ياباني شلون راح تدبر؟؟؟
الجعفري: إن تسونامي داعش استوجب معطيات تأهيل الوعي المقوقع!!
الياباني: صدك تحچي لو تتشاقه؟؟ لا يالوتي!!!