وسيم بغداد....!

التفاصيل

تم إنشاءه بتاريخ الإثنين, 22 كانون1/ديسمبر 2014 17:28

كتب بواسطة: حذام الحداد

حذام الحداد

وسيم بغداد

 يلنورَك طغَه وطش علَه كل الكون

يعبعوب الوَسيم وساحر النسوان

يلحسنك أبد ماوصل يوسف ليه

وما يلحگك والله حته دون جــوان

مو حقّه الوطن لو يتفاخر بيــك

إذا صيتك وصل للصين وطهران

گمر انت وضوّه بسمه بغــــداد

بعد ماغاب عنهه الگمر من زمان

 سبحان ربّي اللي  تمعمَر بيـــك

وماخلق مثلك بين الإنس والجان

يمزَحزح الصخرة ومنهو غيرك

بطل مهيوب عدنَه ولا سوبرمان

أخاف عليك من عين اليحسدون

يبو چف الذهب وفارس الفرسان

خلْ بغـــداد كلهه تـغرگ تفيــض

المهم حسنك يظل ويقهر العدوان

ندري بالوطن هوايه أبطال عنده

بس مثلك منوجد بيــهم ولا چان

أريد وياك صورة تــبقه تـــذكار

وللتـاريخ تروي همّة الشجعان

الگاردينيا:الشاعرة المتألقة/ حذام الحداد ..