قطر وما أدراك ما قطر..؟؟؟

التفاصيل

تم إنشاءه بتاريخ الأحد, 04 كانون2/يناير 2015 08:17

كتب بواسطة: عراقي - بغدادي

                     بقلم/ عراقي - بغدادي

دائما اسمع المسؤولين في كل دول العالم مو بس العراق يسبون قطر واذا تطلع مظاهرة بكوكب المريخ يكولون قطر وراها فحبيت اكتب عن قطر وهذا المقال راح اشبع مسبة من وراه بس عادي عادي

طبعاً جماعة الحكومة راح يسبون وجماعة قطر همين راح يسبون بس مو مشكلة صارت روتين يومي
المهم: مساحة قطر 11 الف كيلو متر مربع ومساحة
بغداد 20 الف كيلومتر مربع يعني الكرخ وحدها اكبر من قطر كلها
تعداد سكان قطر الاصليين 300 ألف مواطن , يعني الكرادة سكانها اكثر من قطر
دخل المواطن القطري 98 الف دولار بالسنة ويعتبر ثاني اعلى دخل بالعالم بعد المواطن النرويجي , و يعني انه العائلة المكونة من خمس نفرات دخلها السنوي نصف مليون دولار
-عدد الاجانب في قطر اكثر من السكان اربع مرات  يعني لكل مواطن اربع اجانب يخدموه
 مسؤول عراقي يكلك قطر دمرت العراق ! يا أخي المسؤول (انا لا اتشرف ان تكون اخي ولكن مجرد صيغة مخاطبة)انت بهذا الكلام لا تهين قطر ولكنك تهين العراق بتاريخه الممتد الى اكثر من سبعة آلاف سنة عندما تقول ان دولة صغيرة الحجم مثل قطر هي التي تحرك الشعب العراقي العظيم
لماذا لا تحدثنا عن الشوارع الكاملة هي وعماراتها الي اشتريتوها بلندن بمكان ما تلوم قطر؟
المواطن يقضي نصف يومه في السيطرات ليتم تفتيشه بجهاز كرات الغولف  وبدون كهرباء ولا ماء ولا دواء ولا امن ولا امان واذا فتح حلكة مال حاضر تكلة انت عميل لقطر ؟؟؟
 
عيشونه مثل قطر ومنعول ابو الي يحجي عليكم
 
ثاني شي (وأهم شي) لو لا ان قطر ودول الخليج فتحت اراضيها كقواعد للاميركان انت حضرتك جان شجابك للمنطقة الخضراء ؟  الكراسي الي انتو كاعدين عليها وكروشكم الي تبعد متر عنكم وعماراتكم بلندن وكل هذا بفضل دول الخليج ومن ضمنها قطر فالمفروض تشكروهم مو تسبوهم لانهم فتحوا لكم مغارة علي بابا لتسرقوها كيفما شئتم
 
قطر عندها أيادي في العراق وهذا الشيء لا ينكره الا جاهل ولكن يا حبيبي المسؤول ,  ومثل ما يكول المثل الشعبي (اذا رأيت علبه مفتوحه فاضربها ولا تخف من صاحبها) وانتو الي خليتو علباتنه مفتوحهة للرايح وللجاي بسبب انشغالكم بسرقة ونهب اموالنا نحن المغفلين  فلذلك اختم مقالي مثل كل مرة و اكول يا شعب العراق لا تلوموا الا انفسكم , تحياتي