قصيدة عيبن تسد بابك

التفاصيل

تم إنشاءه بتاريخ الثلاثاء, 28 نيسان/أبريل 2015 18:32

كتب بواسطة: مثنى عبيدة

مثنى عبيدة

قصيدة تغنى على لحن أغنية الراحل داخل حسن
أهنا يمن چنا وچـنت ..

 أهنا يمن چنا وچـنت
عيبن تسدن بابك
أهنا يمن چنا وچـنت
عيبن تسدن بابك
أحنا هلك مو خطارك
أهنا يمن چنا وچـنت
چنا ننتظر تفتح لنا ذراعاتك
وتفرش لنا عبائتك
وتفتح لنا گلبك وشباگك
تركض ركض شايل لنا مسواگك
حتى أنعرف دعواتك
وتصدك لنا أحجاياتك
أحسب احساب الوگت .. ودوراته ودورتك
أهنا يمن چنا و چـنت
عيبن تسدن بابك
أهنا يمن چنا و چـنت
عيبن ترى دكاتك
سبحتك مية بيها حباتك
أهنا يمن چنا و چـنت
عيبن تسدن بابك
وليش تنسي خوتك واخوانك
 
أهنا يمن چنا و چـنت
الحرة أختٍ لي ولك
وشلون تقبل مروتك
تنامن بالعراء عماتك  
أهنا يمن چنا و چـنت
لا لا تسدن بابك
والله عيبن بحق هلك وأجدادك
أهل الجنوب أهلنا وأصحابك
أبن الرمادي وكبيستك
فلوجة هيه عزتك
لا تشمت بينا عدوانك  
 يا أخوي أنا أبن خالتك
يا خوي لا لا ما تنسي وكفاتك
وموتوا أعداي وعدوانك
 
أهنا يمن چنا و چـنت
عيبن تسدن بابك
أهنا يمن چنا و چـنت
تذكر من تجي عندنا بسفراتك
وعندنا تطلق طلق حسرتك
آه نمسح بقلوبنا دمعتك
ونسمع باروحنا زفراتك
يحلى السمر وشعلو ضحكاتك
 
نهر الفرات يروينا و گاعتك  
 
هذا العراق برگبتك
شتكول لو سألتك
ملائكة ربك لو صكتك
وارتجفت أيدك وركبتك
أهنا يمن چنا و چـنت
 أفتح لنا بيبانك
أحنا هلك لو تهلك قواتك
والغريبن ينهزم ولا يسمع صيحاتك
إلا العراقي الشهم يـگــــومك من وگـــعتك
يا خوي أفتح لنا بيبانك
ترى والله نحبن جيرتك وجيرانك  
أهنا يمن چنا و چـنت
 لا تنسى أحبابك
ــــــــــــــــــــــــــــــــــــــــ
الى من أقفل الباب بوجه أهله الكرام
عسى ان تنفع الذكرى
27 / 4 / 2015 م
مثنى عبيدة حسين