دللول يا بني دللول

التفاصيل

تم إنشاءه بتاريخ الأربعاء, 05 آب/أغسطس 2015 15:47

كتب بواسطة: مثنى عبيدة

مثنى عبيدة

دللول يا بني دللول

 

دللول يا بني دللول

نام يا يمه ولا تخاف

ما عندي غطاء ولا لحاف

شلتك من فراشك ألما ينعاف

خفت عليكم من القصف والاختطاف

هَجرونا وانهزمنا للبوادي وألاطراف

أعرف والله هذا مو أنصاف

أهل المضايف ما تنضاف

الوكت خلانا بيد أجلاف

تبجي كلما طلبونا بالإيقاف

مثل المطلوب يخاف الاكتشاف

أحنا ويانه ملايين و آلالاف

أحنا العراقيين من جد وأسلاف

غيرة ونخوة وعزة وعفاف

نور وضوء من بعيد ينشاف

حضارة حملتها أجيال ٍ على الأكتاف

هذول العراقيين اهلك الأشراف

دللول يا بني دللول

يمه خلونا نختل بالأرياف

بلكت ما يشوفنا القصاف

اللي ما يرحم حتى اللي  باللفاف

أدري الرجعة للبيت حلم بالأطياف

دمره القصف وألعابك صارت أتلاف

يمه اجتمعوا علينا أحلاف وأحلاف

كلها تريد دمنا بدون رحمة وألطاف

كبيرنا قتلوا وصغيرنا جبروا بالاعتراف

بتهمة وفوك التهمة تهمة تنضاف

ظلم وقتل وتشريد وإجحاف


دللول يا يمة دللول

نام يا يمه  وعدوك باصطفاف

يرتجف وهاوي ملكه بانجراف

يسبح ويطوف بجهنم بلا مجداف

حطب بيوتنا هناك تنهال بالجراف

عليه وما ينفعه قوة ولا مال بالصراف

دللول  يا يمه دللول

أختك عروس ٍ بثياب الزفاف

وأنا وأنت بالجنة أضياف

مع الشهداء والملائكة أصناف وأصناف

هناك  يا يمه نعم المقر والمطاف

دللول   دللول  نام حبيبي  ولا تخاف

عدوك النذل يرتجف دوم ويخاف

دللول يا يمه العراقي لا تخاف

عدوك النذل يرتجف دوم ويخاف  

ـــــــــــــــــــــــــــــــــــــــــــــــــــــــــــــــــــــــــــ
مهداة إلى أرواح أطفال العراق الأبرياء الذين قتلوا دون ذنب ٍ اقترفوه
إلى كل طاغية وسفاح لن تفلت من العقاب دنيا وآخرة
بإذن الله المنتقم الجبار  
5 / 8 / 2015 م

الگاردينيا: الأخ العزيز/ابو الحارث...