من الأحفاد إلى الجدات

التفاصيل

تم إنشاءه بتاريخ الإثنين, 05 أيار 2014 16:08

كتب بواسطة: مثنى عبيدة

مثنى عبيدة حسين

من الأحفاد إلى الجدات

من الأحفاد إلى الجدات *
 
كلها راحت للانتخابات
 
رغم المشقة وبعد المسافات
 
ناس ببغداد وناس عبر المحيطات
 
جيل بعد جيل يتسلم الرايات
 
لأن حبك يا عراق بقلـوبهم أبد ما مات
 
 
من الأحفاد إلى الجدات
 
راحت أمي على الكرسي والعجلات
 
معها كل أمهاتنا الصابرات
 
يريدون الخير للعراقيين والعراقيات
 
يرجعون الزلم وأطفالهم والزوجات
 
اليتيم يعيش بكرامة وأخواته اليتيمات
 
ينكسر القيد ويخرج المعتقلين والمعتقلات
 
يفرح العراق ونقيم العرس بالهوسات
 
تتحنه الأيادي ويلبسن الهاشميات *
 
تحلى اللمه من الهور للجبال الشامخات
العراق لأهله مو للغربه والغريبات
 
 
من الأحفاد إلى الجدات
 
العراق بلد العلم والحضارات
 
بأعناقنا وصية للأحفاد من الجدات
 
أحفاد ما شافوك يا أعز الحبيبات
 
لا مشوا على حبات ترابك الطاهرات
 
لا لعبوا بالدرابين والمحلات
 
ما گطعوا تمر من النخلات
 
ما شربوا من دجلة والفرات المايات
 
بس يعرفوك لأنك بالجذر والجزيئات
 
يحلمون بيك بالصبح والمسيات
 
يتمنون شوفتك بكل اللحظات
 
يحملون العلم ليرفرف مع الرايات
 
يخطون أسمك بالعربي وبكل اللغات
 
عراق يا أحلى الأسماء والمسميات
 
ندعو رب العرش والسموات
 
من الأحفاد إلى الجدات
 
يحفظك وأهلك أهل الكرم والغانمات
 
يحفظك وأهلك أهل الكرم والغانمات
 
أهديها إلى أمي الحبيبة والى كل الجدات
 
اللواتي ذهبن للانتخاب أملاً بالتغير وحباً
 
بالعراق
 
*الهاشمي هو الزي الذي ترتديه النساء في أيام الأفراح
30 / 4 / 2014 م
يوم الانتخاب
مثنى عبيدة حسين